Danııar Eleýsinov sáýir aıynda jekpe-jek ótkizbek

NUR-SULTAN. QazAqparat – Qazaqstandyq boksshy Danııar Eleýsinovtyń (10-0, 6 KO) promoýteri Eddı Hırn klıentiniń qashan rıngke oralatynyn aıtyp berdi, dep habarlaıdy QazAqparat Sports.kz portalyna silteme jasap.

«Danııar osyǵan deıingi jekpe-jeginde Indongomen jaqsy aıqasyp, jeńiske jetti. Ol daıyn (úlken jekpe-jekterge). Bul jigit 147 fýntta shyǵyp júrgen kez kelgen boksshy úshin úlken máselege aınalady. Qazirdiń ózinde úlken qadamdar jasap jatqanyn ózderińiz de kórip tursyzdar. Ol sáýirde rıngke oralady», - dedi Hırn.

Ázirge Eleýsinovtyń qarsylasy belgisiz.

Eske sala ketsek, qarashada Danııar ekinshi raýndta namıbııalyq boksshy Djýlıýs Indongony (23-3, 12 KO) nokaýtqa túsirip, IBF Inter-Continental nusqasy boıynsha jartylaı orta salmaqtaǵy álem chempıony ataǵyn jeńip aldy.