Danııar Eleýsinov pen Ivan Dychko boks keshinde sharshy alańǵa shyǵatyn boldy

NUR-SULTAN. QazAqparat - Boksshylar Danııar Eleýsinov (10-0, 6 KO) pen Ivan Dychkonyń (10-0, 10 KO) menedjeri Zııa Álıev óz klıentteriniń Qazaqstanda ótetin bir boks keshinde óner kórsetetinin aıtty, dep habarlaıdy Sports.kz.

- 18 jeltoqsanda Qazaqstanda men el Táýelsizdiginiń 30 jyldyǵyna arnalǵan shoý jasaımyn, promoýter bolamyn. Oǵan Danııar da, Ivan da qatysady. Qalǵan boksshylarmen de jumys jasap jatyrymyn», - dedi Álıev.

Aıta keter jaıt, Danııar Eleýsinov pen Ivan Dychko Triller Fight Club promoýterlik kompanııasymen yntymaqtastyqty bastaıdy. Eleýsinov sońǵy aıqasyn 2020 jyldyń qarashasynda ótkizdi. Ekinshi raýndta ol ıÝlıýs Indongony nokaýtqa jiberdi (23-4, 12 KO). Al Dychko osy jyldyń shildesinde bolǵan jekpe-jeginde reseılik Denıs Bahtovtan (39-19, 26 KO) birinshi raýndta basym tústi.