Danııar Eleýsinov pen Álııa ıÝsýpova Astananyń ataýyn ózgertý bastamasyn qoldady

ASTANA. QazAqparat - Qazaqstandyq sportshylar Danııar Eleýsinov pen Álııa ıÝsýpova Nursultan Nazarbaevtyń esimin Astana qalasyna jáne oblystyq qalalardyń basty kóshelerine berý bastamasyna qatysty pikir bildirdi, dep habarlaıdy QazAqparat.

Qazaqstandyq boksshy, Olımpıadanyń altyn júldegeri Danııar Eleýsinov Feısbýktegi paraqshasynda atalmysh bastamany qoldap jazba qaldyrdy.

«Men Prezıdent Qasym-Jomart Toqaevtyń Astana qalasynyń ataýyn Nursultan dep ózgertý jáne Nursultan Nazarbaevtyń esimin oblystyq qalalardaǵy basty kóshelerge berý týraly bastamasyn tolyq qoldaımyn. Meniń oıymsha, Elbasy bul qurmetke ábden laıyq!», - dep jazdy ol.

Keıinnen bul bastamaǵa qazaqstandyq gımnasshy Álııa ıÝsýpova da qoldaý bildirip, áleýmettik jelidegi paraqshasynda osyndaı mátin jarııalady.

Aıta keteıik, keshe ant berý rásiminde Qazaqstan Prezıdenti Qasym-Jomart Toqaev «Bizdiń astanamyz Nursultan dep atalýy kerek» degen bolatyn. Ol sondaı-aq oblystyq qalalardaǵy basty kóshelerge Elbasynyń esimin berý týraly usynys jasady.