Danııar Eleýsinov kásipqoı bokstaǵy eń úzdik jekpe-jegin atady

NUR-SULTAN. QazAqparat – Jartylaı orta salmaq dárejesindegi qazaqstandyq boksshy Danııar Eleýsinov (10-0, 6 KO) kásipqoı mansabyndaǵy úzdik jekpe-jegi týraly aıtty, dep habarlaıdy QazAqparat Sports.kz portalyna silteme jasap.

«Úzdik jekpe-jegim retinde sońǵy aıqasty (Djýlıýs Indongoǵa qarsy – red.) esepteımin. Ol tıtýldyq 4 jekpe-jekke qatysqan álemniń eki dúrkin eks-chempıony. Jasyna qaramastan óte tájirıbeli jáne qaýipti boksshy», - dedi Eleýsinov Qazsport telearnasyna bergen suhbatynda.

Eske sala ketsek, Danııar Eleýsinov 2020 jyldyń qarashasynda álemniń eks-chempıony, namıbııalyq Djýlıýs Indongony (23-3, 12 KO) nokaýtqa jiberip, IBF Inter-Continental vakantty belbeýin jeńip aldy.