Danııar Eleýsinov kásibı bokstaǵy mansaby týraly aıtty

NUR-SULTAN. QazAqparat – Qazaqstandyq boksshy Danııar Eleýsinov (10-0, 6 KO) «Shredınger sporty» Youtube arnasyna bergen suhbatynda kásibı mansabyn qashan aıaqtaıtyny týraly aıtty, dep habarlaıdy QazAqparat Sports.kz saıtyna silteme jasap.

- «Pakıao jekpe-jegin 42 jastan bastap ótkizip keledi. Siz sporttyq mansabyńyzdy qashanǵa deıin jalǵastyrmaqsyz?»

- Bul bir Allaǵa aıań, ózime, onyń maǵan bergen kúshime baılanysty. Oǵan qosa, meniń qandaı jekpe-jek ótkizýim de mańyzdy. Negizinen, boksshy jasynyń ulǵaıǵanyna baılanysty emes, aýyr judyryqtasýlardan qartaıady. Eger bári jaqsy ótse, eger sen chempıon bolsań, ýaqytyly kete bilýiń de kerek. Bul – qaýipti sport túri. Árbir adamnyń otbasy bar, otbasy múshelerimniń keıbireýleri meniń úlken sporttan ketýimdi surap jatyr, men ol týraly atqym kelmegen... Biraq boksqa kelgen soń, óz maqsatyma jetip, chempıon atanǵym keledi. Áýesqoı bokstan bárin aldym, endi aldyma basqa maqsat qoıyp, kásibı sportqa óttim. Osy jerden kózdegenime jetkim keledi. Kásipqoı sportqa kelgende, Olımpıada chempıony bolsam da, atym belgisiz boldy. Endigi kózdegenim, ózimniń úzdikterdiń biri ekenin dáleldep, barlyq tıtýldardy jeńip alý.

Eske salsaq, Danııar Eleýsinov IBF reıtınginde tómendedi. Jáne onyń kelesi qarsylasy reseılik Davıd Avanesıan (27-3-1, 15 KO) bolady dep kútilýde. Alaıda reseılik komanda ózge kandıdatýralardy da qarastyrýda.