Danııar Eleýsinov AQSh-ta álem chempıony tıtýlyn qorǵaıdy

NUR-SULTAN. QazAqparat - Qazaqstandyq kásipqoı boksshy Danııar Eleýsinovtiń kezekti jekpe-jegin ótkizetin kúni belgilendi, dep habarlaıdy QazAqparat tilshisi.

Danııar Eleýsinov (11-0, 6 KO) jartylaı orta salmaqta IBO tujyrymy boıynsha álem chempıony tıtýlyn qorǵaý maqsatynda sharshy alańǵa shyǵady. Qarsylasy - ýkraınalyq Ivan Golýb (20-1, 15 KO).

Atalǵan jekpe-jek 25 maýsymda AQSh-ta ótetini naqtylandy.

Jekpe-jekti Triller Fight Club promoýterlik kompanııasy uıymdastyrýdy óz mindetine alǵan. Tartysty báseke 12 raýndqa josparlanyp otyr.

Danııar Eleýsinov 1991 jyldyń 13 naýryzynda dúnıege kelgen. Áýesqoı boksta 2016 jyly Olımpıada chempıony atandy. 2013 jyly álem chempıony, 2015 jyly kúmis medal ıegeri boldy. Sondaı-aq, Azııa oıyndary men Azııa chempıonatynda altynnan medal taqty.

Áýesqoı boksta 2018 jyldan beri synǵa túsip keledi. Qazirge deıin 11 jekpe-jeginiń barlyǵynda jeńiske jetip, onyń 6-aýyn nokaýtpen aıaqtady.

Eske salsaq, budan buryn Jánibek Álimhanulynyń kezekti jekpe-jegi ótetin ýaqyt anyqtalǵan edi.