Danııar Aqyshevpen onlaın-konferentsııa: Zeınetaqy qarajaty, teńge baǵamy, krıptovalıýta...
Bas bankır «QazAqparat» HAA saıtyna, áleýmettik jeliler men Ulttyq bankiniń mobıldi qosymshasy arqyly kelip túsken, óńirlik BAQ ókilderi men Almaty, Astana jýrnalısteriniń 50 shaqty saýalyna jaýap berdi, dep habarlaıdy QazAqparat tilshisi.
Barlyǵy onlaın-konferentsııa barysynda Ulttyq bank basshysyna 300-den astam suraq kelip túsken.
Danııar Aqyshev negizinen bank sektoryn damytý, nesıe mólsherlemesi, aıyrbas pýnktteri men krıptovalıýtalar, kıbershabýyldardan qorǵaný, zeınetkerlerdiń qarjysyn saqtaý sııaqty basty máselelerge toqtaldy.
QR Ulttyq bank basshysy Danııar Aqyshev memleket basshysy aıtqan synǵa qatysty da jaýap berdi.
«Ulttyq bank 2008-2009 jyldardan beri qordalanǵan máselelerdi sheshýde qarjylyq retteýshi retinde keshigip qalǵany ras. Statıstıka kórsetkendeı, nashar kredıtter portfeliniń 90 paıyzy 2006 jyldan bastap berilgen. ıAǵnı, nesıe resýrstaryn durys basqarmaǵan bankterdiń jumysy birneshe jyl boıy qordalana kele jaqynda ǵana jarııa boldy», - dedi Ulttyq bank basshysy.
Sonymen qatar, D. Aqyshev jyl basynan beri teńge baǵamy 4 %-ǵa artqanyn aıtty.
«Jyl basynan beri teńge 4 paıyzǵa nyǵaıǵan. Teńgege suranys qańtarda artty. EDB qańtar aıynda 830 mlrd teńge kóleminde nesıe bergen. Nesıe boıynsha paıyzdyq kórsetkish 14,7%-ǵa jetti», - dedi bas bankır.
Onyń aıtýynsha, keıde sarapshylardyń boljamy da teńge tóńiregindegi qaýesetke muryndyq bolady.
«Negizi bizdiń zertteýimiz boıynsha, qoǵamǵa negatıvti boljam unaıdy. Biraq, búginde boljam jasap júrgen sarapshylardyń kópshiligi ýaqyt kórsetkendeı, qarjy salasyn tolyq bilmeıtin bolyp shyqty. Dollarǵa qatysty teńge baǵamy 400 bolady degen boljamdardyń biri de oryndalǵan joq», - dedi Danııar Aqyshev.
QR Ulttyq bank tóraǵasy qazaqstandyqtarǵa pıramıdanyń tuzaǵyna túsip qalmaý joldaryn túsindirdi.
«Qarjy pıramıdalarynyń jumysy óte jaqsy uıymdastyrylǵan. Olar neshe túrli qıturqy áreketke barady. Ulttyq banktiń saıtynda qarjy pıramıdasynyń tuzaǵyna túsip qalmaýdyń arnaıy jadynamasy kórsetilgen»,- dedi Danııar Aqyshev.
Sondaı-aq ol Qazaqstanda ıslam bankıngi nege qanatyn jaıyp kete almaı jatqany týraly da aıtyp berdi.
Onyń málimdeýinshe, 2008 jyly ıslam bankteriniń Qazaqstanda jumys jasaýyna barlyq qajetti jaǵdaı jasalǵan.
«Alaıda qazir Qazaqstanda tolyqqandy tek 1 ıslam banki ǵana jumys istep keledi. Ekinshi ıslam banki birinshi bankke qosylý qadamynyń aldynda tur. Islam banki Qazaqstanda áli de keń taraı qoıǵan joqtyǵyn kórip otyrmyz. Islam bankteri aktıvteriniń barlyq bank aktıvterindegi úlesi tek 0,2 paıyzdy qurap otyr», - dedi Aqyshev.
Danııar Aqyshev BJZQ bazasyndaǵy málimetterdiń saqtalatynyna da kepildik berdi.
«Birinshi nesıe bıýrosy» kompanııasy - nesıe alýshynyń nesıe tarıhy týraly obektıvti aqparat beretin kompanııa. Bankter osy aqparattardyń arqasynda nesıe berý-bermeý týraly sheshim qabyldaı alady. Nesıe bıýrosynyń reestrinde málimet neǵurlym kóp bolsa, soǵurlym bankterdiń durys sheshim qabyldaýyna múmkindik bolady», - dedi Danııar Aqyshev.
Onyń aıtýynsha, eshkim zeınetkerlerdiń shoty týraly aqparatty ala almaıdy. «Osy baǵytta áriptestik arnalary joq. Zeınetkerlerdiń aqshasy týraly aqparatty eshkim alýǵa umtylyp otyrǵan joq. Bul jerde BJZQ salym�/>
Nachalo: