Danııa úkimeti áleýmettik jelilerge qatysty erejelerdi kúsheıtpek

<p>ASTANA. KAZINFORM &ndash; Danııa úkimeti áleýmettik platformalarǵa qatysty erejelerdi qataıtý úshin úkimettik emes uıymdarmen kúsh biriktirip jatyr. Kopengagen medıa alpaýyttarynyń ózderi áleýmettik mindettemelerin elemeıtinine senimdi, dep habarlaıdy <a href="https://ru.euronews.com/2024/06/26/denmark-social-media-minors" target="_blank" rel="noopener">Euronews.</a>&nbsp;</p>

«Biz balalar aldyndaǵy mindetterin oryndaı almaı júrgen óte iri jáne qýatty tehnologııalyq alpaýyttarǵa qarsy turamyz», - dep málimdedi Danııa premer-mınıstri Mette Frederıksen.

Belsendilerdi ásirese áleýmettik jelilerdiń mazmundy jas boıynsha súzýge degen formaldy kózqarasy alańdatyp otyr. 

«Naqty jasty tekserý kerek. Jasqa sáıkes mazmun talaptary qajet. Árqashan úlkendermen baılanysý múmkindigi bolýy tıis», - dedi Save the Children Denmark Bas hatshysy Iohanna Shmıdt-Nılsen. 

Komıssııanyń osyǵan baılanysty mindeti – balalar men jasóspirimderdiń nazaryn áleýmettik jelilerden tolyǵymen alastatyp, olardyń telefonǵa jumsaıtyn ýaqytyn azaıtýǵa tyrysý.