Danııa temeki tuqylyn tazalaýǵa jylyna 5 mln eýro jumsaıdy

NUR-SULTAN. QazAqparat - Bir ǵana Danııanyń ózi kóshelerdegi temeki tuqylyn tazalaýǵa jylyna shamamen 32 mıllıon dat kronyn nemese 5 mıllıon eýroǵa jýyq qarjy jumsaıdy, dep habarlaıdy QazAqparat Euronews-ke silteme jasap.

Qańtardan bastap Eýropalyq Odaqta bıznespen aınalysatyn temeki kompanııalary kóshelerdi temeki tuqyldarynan tazalaý, tasymaldaý jáne kádege jaratý úshin bılik organdaryna ishinara ótemaqy tóleýge mindetti.

Dúnıejúzilik densaýlyq saqtaý uıymynyń málimetinshe, temekiden 7 myńnan astam ýly hımıkat, sonyń ishinde mıkroplastıkter tabyldy. Bir ǵana temeki tuqyly júzden myń lıtrge deıin sýdy lastaýy múmkin. Ekologtardyń baǵalaýy boıynsha, óndiriletin barlyq temekiniń 15% álemdik muhıtqa túsedi.

Foto: ru.euronews.com