Danııa men Shvetsııadaǵy Izraıl elshilikteriniń janynda jarylys boldy

<p>ASTANA. KAZINFORM - Danııa polıtsııasy Kopengagendegi Izraıl elshiligi mańyndaǵy jarylysqa qatysty tergeýdi bastady. Shvetsııa polıtsııasy bir kún buryn Stokgolmdegi Izraıl elshiliginiń janynda atys bolǵanyn málimdedi, dep habarlaıdy DW.</p>

Izraıldiń Danııadaǵy elshiligi dıplomatııalyq ókildik ǵımaratynyń janynda bolǵan eki jarylystan qyzmetkerleri zardap shekpegenin habarlady.

«Elshilik jabyq boldy, eshbir qyzmetker zardap shekpedi, ǵımaratqa zaqym kelgen joq», - delingen X áleýmettik jelide jarııalanǵan habarlamada.

Buǵan deıin danııalyq DR telearnasy 2 qazanǵa qaraǵan túni elshilik mańynda eki jarylys bolǵanyn habarlaǵan. 

Sol kúni shved polıtsııasy bir kún buryn Stokgolmdegi Izraıl elshiliginiń janynda atys bolǵanyn rastady, dep habarlady SVT telearnasy.

«Atys bolǵanyn rastaıtyn qorytyndy shyǵaryldy», - dedi Stokgolm polıtsııasynyń ókili Rebekka Landberg.

Aıtýynsha, bul baqylaý kameralary bar jaqsy qorǵalǵan aımaq jáne munda qarap shyǵýǵa bolatyn materıal bar.

Buǵan deıin shved aqparat quraldary 1 qazan kúni keshke Strandvegen kóshesindegi Izraıl elshiliginiń janynda qatty jarylys bolǵanyn habarlaǵan. «Qarý qoldanǵan jáne aınalasyndaǵylarǵa qaýip tóndiretin aýyr qylmys» boıynsha aldyn ala tergeý júrip jatyr.

Taıaý Shyǵystaǵy jaǵdaı ýshyǵyp barady.

Buǵan deıin habarlanǵandaı, Izraıl Irannyń 1 qazanda jappaı zymyranmen jasaǵan shabýylyna jaýap qaıtarýy múmkin. Shabýyl Iran aýmaǵyndaǵy munaı óndirý obektilerine, áýe qorǵanys júıesine jáne basqa da strategııalyq obektilerge baǵyttalady dep boljanyp otyr. 

Izraıl, Iran jáne Lıvandaǵy referendým ýchaskeleri jumysyn toqtatty.

Izraıl BUU Bas hatshysyn «persona non grata» dep jarııalady.