Danııa Qurandy órteýge tyıym saldy

KOPENGAGEN. QazAqparat – Danııa Qurandy órteýge zań júzinde tyıym saldy. Bul týraly Ádilet mınıstri Peter Hýmmelgaard málim etti, dep habarlaıdy QazAqparat Deutsche Welle basylymyna silteme jasap.

Úkimet keıbir partııalardyń mundaı sheshim adam quqyǵyn shekteıtini týraly ýájin qabyl almady.

«Zań jobasy dinı qoǵamdastyqtar úshin mańyzdy ról atqaratyn nysandarǵan nuqsan keltiretin árekettege tyıym salady»,-dedi jýrnalısterge Peter Hýmmelgaard.

Ol sonymen qatar zań talaby qoǵam arasynda órteý men osy sııaqty ózge de qorlaý áreketterine qatysty qoldanylatynyn aıtty.

«Zań jobasy Quran, Іnjil men Torany jarııa túrde órtegeni úshin jaýapkershilikti qarastyrady. Óz kózqarasyńdy bildirýdiń túrli tásilderi bar, ol úshin mindetti túrde birdeńeni órteý kerek emes»,-dedi ol.

Zań jobasynyń baptaryna sáıkes, dinı mańyzdy zor nysanǵa nuqsan keltirdi dep tanylǵan adamǵa aıyppul salynady nemese ol 2 jylǵa deıin turmege qamalady,-dep jazady NY Times.

Danııa mundaı qadamǵa osy elde men Shvetsııada Qurandy órteý nemese ony jarııaly túrde qorlaý sııaqty keıingi aılarda bolǵan jaısyz oqıǵalarǵa baılanysty qabyldaǵan. Mundaı áreketter birneshe musylman elinde turǵyndardyń narazylyǵyn týdyrdy. Olar Soltústik Eýropa elderin mundaı aktsııalarǵa tyıym salýdy talap etti.

Ótken aptada Shvetsııa terrorıstik qaýip deńgeıin 2016 jyldan beri alǵash ret 2-shi deńgeıge kóterdi. Oǵan qasıetti kitaptardy órteý sııaqty árektetterge baılanysty shabýyl uıymdastyrylý qaýpi sebep bolǵan.