Danııa korolevasy Margrete taqtan bas tartatynyn málimdedi

<p>Danııa patshaıymy Margrete II halyqqa arnaǵan jańajyldyq úndeýinde kútpegen jerden taqtan bas tartatynyn málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.bbc.com/russian/articles/cg3xdvzx9llo" target="_blank" rel="noopener">VVS</a> jańalyqtaryna silteme jasap.</p>

14 qańtarda onyń patshaıym bolǵanyna 52 jyl tolady. Dál osy kúni taqtan bas tartý rásimi ótedi dep josparlanyp otyr. 

Margret ketkennen keıin onyń úlken uly murager hanzada Frederık korol bolady.

«Men taqty ulym, muragerim Frederıkke qaldyramyn», - dedi ol.

83 jastaǵy Margrete II - 1952 jyly ákesi korol Frederık IX qaıtys bolǵannan keıin taqqa otyrǵan Danııa tarıhyndaǵy eń uzaq bılik etken monarh.

Brıtan korol dástúrinen aıyrmashylyǵy sol - Danııada 55 jastaǵy taq murageri Frederıkke resmı táj kıgizý rásimi bolmaıdy.

Onyń ornyna saraı onyń taqqa otyrǵanyn sol kúni jarııalaıdy.

Koroleva Margret Danııadaǵy tanymal tulǵa jáne kóptegen danııalyqtar ony ólgenshe taǵynda qalady dep kútken.

Jyl saıyn Jańa jyl qarsańynda ol teledıdarda kópshilikti quttyqtap, sóz sóıleıdi.

Bıyl taǵynan bas tartý týraly kútpegen málimdemeden basqa Margrete II Taıaý Shyǵys pen Ýkraınadaǵy soǵys, sondaı-aq klımattyq ózgeristerdi sheshýdiń mańyzy týraly aıtty.

Eýropadaǵy basqa koroldik otbasylar sııaqty zamanaýı qoǵamnyń problemalaryna tap bolǵan Danııa patsha otbasy korol áýleti músheleriniń sanyn qysqartý jóninde sheshim qabyldady.

Alaıda ótken jyly taq murageri Frederıktiń inisi hanzada Ioahımniń balalary koroldik tıtýlynan aıyrylǵannan keıin korol otbasyndaǵy jaǵdaı qoǵamdyq kelispeýshilikke ákeldi.