Danııa Espaevanyń shtaby oraldyq jastarmen kezdesti

NUR-SULTAN. QazAqparat - Oral qalasynda «Aq jol» partııasynan prezıdenttikke úmitker Danııa Espaevanyń shtaby jas saılaýshylarmen kezdesý ótkizdi, dep habarlaıdy QazAqparat partııanyń resmı saıtyna silteme jasap.

«Zenıt» mádenıet úıinde ótken kezdesýge 350-ge tarta stýdent pen ustazdar qatysqan.

Saılaýshylar aldynda Danııa Espaevanyń senimdi ókilderi sóz sóılep, úmitkerdiń saılaýaldy baǵdarlamasynyń basty baǵyttaryna toqtaldy.

«Aqjol» partııasynyń oblystyq fılıal jetekshisi Serik Merǵalıev baǵdarlamanyń «Turaqty damýdyń negizi - básekelestik pen jappaı kásipkerlik» atty bólimine toqtalsa, «Qaıratker» qoǵamdyq qorynyń Prezıdenti, tarıh ǵylymdarynyń doktory Dámetken Súleımenova tyńdaýshylardy «Ulttyq táýelsizdik» baǵytymen tanystyrdy.

Jınalǵan qaýym bıznesti qoldaý, adal básekelestik, bıznestegi jemqorlyq máselesi, áleýmettik problemalar ttýraly saýaldar qoıdy.

Aıta keteıik, Danııa Espaeva - Qazaqstan tarıhyndaǵy prezıdentikke úmitker retinde tirkelgen tuńǵysh áıel.