Danııa Espaevanyń saılaýaldy shtaby Atyraýda zaýyt ujymymen kezdesti

NUR-SULTAN. QazAqparat - Búgin «Aq jol» partııasynyń Atyraý oblystyq fılıaly - QR Prezıdenttigine úmitker Danııa Espaevanyń aımaqtyq shtaby «Raýan Nalko» JShS eńbek ujymymen kezdesti. Bul týraly partııanyń baspasóz qyzmeti habarlady.

«RaýanNalko» JShS - munaı-gaz óndirisine arnalǵan hımııalyq reagentterdi óndirýshi, álemniń 160 elin qamtıtyn halyqaralyq «Nalko Chempıon» (NalcoChampion) kompanııasymen birlesken otandyq kásiporyn.

Kezdesýdi «Raýan Nalko» JShS dırektory B.Ájiǵalıev ashty. Budan keıin oblystyq fılıal jetekshisi E. ıÝsýpov partııanyń baǵyt-baǵdary men saılaýaldy maqsattarymen bólisti.

Kezdesýde, sondaı-aq, oblystyq fılıaldyń saıası jetekshisi Á.Tóleýishov, oblystyq saıası keńestiń múshesi S.Erýbaev sóz sóılep, barsha jınalǵandardy úmitkerdi qoldaýǵa shaqyrdy. Kásiporyn jumysshylary ózderin qyzyqtyrǵan suraqtaryn qoıyp, jaýap aldy.

Aıta keteıik, «Aq jol» partııasynan prezıdenttikke úmitker Danııa Espaevanyń úgit naýqany jalǵasýda.