Danııa Espaevanyń qyzylordalyq shtabyna EQYU/DIAQB baqylaýshylary keldi

QYZYLORDA. QazAqparat - «Aqjoldyq» úmitker Danııa Espaevanyń Qyzylorda aımaqtyq saılaýaldy shtabynyń músheleri Eýropadaǵy qaýipsizdik jáne yntymaqtastyq uıymynyń baqylaýshylarymen kezdesti. Bul týraly partııanyń baspasóz qyzmeti habarlady.

QR Prezıdenttigine kandıdat Danııa Espaevanyń Qyzylorda oblysy boıynsha saılaýaldy shtabyna kezekten tys prezıdent saılaýyn baqylaý mıssııasymen EQYU/DIAQB ókilderi Monıka Djambonını men Lev Tarskıh keldi.

Olar oblystyq shtabtyń saılaýaldy jumysymen tanysty. Shtabtyń Qyzylorda oblysy boıynsha baqylaýshylary men saılaý komıssııalaryndaǵy «Aq jol» partııasynan saılanǵan komıssııa músheleriniń sany týraly jáne aýdandardaǵy úılestirýshiler men júrgizilip jatqan úgit-nasıhat jumystary týraly túrli suraqtar qoıyp, tolyqqandy jaýap aldy.

Kezdesý barysynda Monıka Djambonını men Lev Tarskıh Danııa Espaevaǵa saıası dodada sáttilik tilep, estelik sýretke tústi.