Danııa Espaeva Ortalyq saılaý komıssııasyna qujatyn tapsyrdy

NUR-SULTAN. QazAqparat - Búgin QR Ortalyq saılaý komıssııasyna Danııa Espaeva qujattaryn tapsyrdy, dep habarlaıdy QazAqparat OSK baspasóz qyzmetine silteme jasap.

QR Ortalyq saılaý komıssııasyna «Qazaqstan Respýblıkasyndaǵy saılaý týraly» QR Konstıtýtsııalyq zańynyń 55-babyna sáıkes «Aq jol Qazaqstan demokratııalyq partııasynyń» qoǵamdyq birlestigi QR Prezıdenttigine kandıdat retinde Danııa Mádıqyzy Espaevanyń qujattaryn usyndy.

Qujattardyń ishinde «Aq jol Qazaqstan demokratııalyq partııasynyń» qoǵamdyq birlestigi joǵary organynyń QR Prezıdenttigine kandıdat usyný jónindegi otyrysynyń hattamasynan úzindi, Danııa Espaevanyń kandıdat bolýǵa kelisimi, ómirbaıany, QR OSK shotyna saılaý jarnasyn aýdarǵanynyn kýálandyratyn qujat, jeke kýáligi, JOO dıplomdarynyń kóshirmesi, memqyzmette tájirıbesiniń bar ekenin rastaıtyn qujattar bar.

Úmitkerdiń memlekettik tildi erkin meńgergendigin anyqtaıtyn lıngvıstıkalyq komıssııasynyń otyrysy 26 sáýirge belgilendi.