Danııa Espaeva elordada jas saılaýshylarmen kezdesti
10:55, 28 Mamyr 2019
NUR-SULTAN. QazAqparat - Prezıdenttikke úmitker Danııa Espaeva men saılaýaldy shtab jetekshisi Azat Perýashev Nur-Sultan qalasyndaǵy gýmanıtarlyq-zań kolledjinde jas saılaýshylarmen kezdesti. Oqytýshylar men stýdentter úmitkerdiń saılaýaldy baǵdarlamasymen tanysty.
Bul týraly «Aq Jol» partııasynyń baspasóz qyzmetinen habarlady.
Kolledjde zańger, aýdarmashy, muǵalim mamandyqtary boıynsha barlyǵy bes júzdeı shákirt tálim alady. Oqý orny byltyrdan ǵana bastaýysh synyp muǵalimderi men balabaqsha tárbıeshelerin oqyta bastaǵan. Oǵan memleket eki júzdeı shákirtaqy bólgen bolatyn. Stýdentter arasynda basqa qaladan kelip oqıtyndar sany az bolmaǵanymen, hosteldegi tegin oryndar sany 30 adamǵa ǵana eseptelgen. Keler jyldary ózge qalalyqtardy qamtıtyn jataqhana salý josparlanyp otyr.
Aıta keteıik, QR Prezıdentin saılaý 9 maýsymda ótedi. Oǵan 7 kandıdat tirkelgen.