Danııa tsıfrlyq koronapasportyn iske qosty

STOKGOLЬM. QazAqparat – Danııa EO-nyń barlyq aýmaǵynda jaramdy bolatyn COVID-19 sertıfıkatynyń ulttyq nusqasy Coronapas qosymshasyn iske qosty. Osyǵan baılanysty Kopengagen áýejaıynda juma kúni baspasóz máslıhaty ótti, dep habarlaıdy QazAqparat TV2 telearnasyna silteme jasap.

Tsıfrlyq sertıfıkat Danııanyń ishinde, sondaı-aq EO aýmaǵynada saıahattaý úshin jaramdy bolady. Densaýlyq saqtaý mınıstri Magnýs Heýnıke atap ótkendeı, el turǵyndarynyń jeke medıtsınalyq derektemeleri qosymshada joq.

Qarjy mınıstri Nıkolaı Vammenniń aıtýynsha, jeke kýálikti sertıfıkatpen birge usynýdyń qajeti shamaly. Onda vaktsınatsııa, antıdenelerdiń bolýy nemese koronavırýsqa tapsyrylǵan testiniń teris nátıjesi týraly aqparat kórsetilgen.

Qosymshany ázirleý quny – 22 mln kron ($3,6 mln).