Danıl Musabaev batýt gımnastıkasynda Azıadanyń kúmis medalin jeńip aldy

<p>Qytaıdyń Hanchjoý qalasynda ótip jatqan Azııa oıyndarynda qazaqstandyq Danıl Musabaev batýt gımnastıkasynda kúmis medal jeńip aldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qazaqstandyq sportshy fınalda 57.100 upaı jınap, ekinshi orynǵa qol jetkizdi.

Bas júlde qytaılyq Langıý ıAnge buıyrsa, japondyq Hıroto ıAmada úzdik úshtikti túıindedi. 

Aıta ketsek, Qazaqstan quramasynyń qorjynynda 44 medal bar.

Onyń beseýi — «altyn», ony — «kúmis» jáne 29-y — «qola».

Qazaqstandyq Alekseı Lýtsenko Qytaıdyń Hanjchoý qalasynda ótip jatqan Azııa oıyndarynda shossedegi velojarysta jeńimpaz atandy.

Sondaı-aq, qazaqstandyq eskekshiler Sergeı Emelıanov pen Tımýr Haıdarov Qytaıdyń Hanchjoý qalasynda ótip jatqan Azııa oıyndarynyń jeńimpazy atandy.