Danıal Ahmetov Shyǵys Qazaqstan oblysyn taǵy bir jyl basqarady

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetovtiń ókilettigi 1 jylǵa uzartyldy. Bul jaıly Memleket basshysynyń baspasóz hatshysy Rýslan Jelbidaı áleýmettik jelidegi paraqshasynda jazdy, dep habarlaıdy QazAqparat tilshisi.

«Búgin Prezıdenttiń Jarlyǵyna sáıkes Danıal Kenjetaıuly Ahmetovtiń mol tájirıbesi eskerilip, onyń qyzmettik ókilettigi bir jylǵa uzartyldy», - dep jazdy ol.

Aıta ketsek, ekonomıka ǵylymdarynyń doktory, akademık Danıal Ahmetov Pavlodar oblysynyń ákimi, QR Premer-Mınıstri, QR Qorǵanys mınıstri qyzmetterin atqarǵan. Eýrazııalyq ekonomıkalyq komıssııanyń energetıka jáne ınfraqurylym jónindegi Alqa múshesi boldy. 2014 jyldan beri Shyǵys Qazaqstan oblysynyń ákimi qyzmetin atqaryp keledi.

Esterińizge salsaq, jańadan qurylǵan Abaı oblysynyń ákimi laýazymyna búgin Nurlan Uranhaevtyń taǵaıyndalǵanyn habarlaǵan edik.

Prezıdent Ákimshiliginiń basshysy Murat Nurtileý Semeı qalasynda óńirdiń barlyq deńgeıdegi máslıhattarynyń jıynyna qatysyp, Abaı oblysynyń ákimi laýazymyna Ýranhaev Nurlan Telmanuly men Smaıylov Ashat Saıdahmetulynyń kandıdatýralaryn usyný týraly Memleket basshysynyń hatyn oqyp bergen bolatyn. Ashyq daýys berý nátıjesinde 25 depýtat Ashat Smaıylovqa, 89 depýtat Nurlan Ýranhaevq a daýys berdi.