Danıal Ahmetov shekara mańyndaǵy aýyldardyń qalaı damıtynyn aıtty
«Aýmaqtardy damytý taqyrybyn jalǵastyra otyryp, oblystaǵy mańyzdy baǵyt – shekara mańyndaǵy aýdandar men burynǵy aýdan ortalyqtaryn qaıta jańǵyrtýdy aıtpaı ketýge bolmaıdy. Qytaı Halyq Respýblıkasymen shekaralas ornalasqan, oblys ortalyǵynan shamamen 400 shaqyrym qashyqtyqta ornalasqan óńirler úshin halyqtyń ómir súrý sapasyn jaqsartýǵa baǵyttalǵan Keshendi josparlar qabyldandy», - dedi D. Ahmetov Ortalyq kommýnıkatsııalar qyzmetinde.
Onyń aıtýynsha, ortalyq jáne shet aýmaqtar arasyndaǵy ahýaldy teńestirýge 2020 jyldan 2024 jylǵa deıin bes jylda 183 mlrd teńge baǵyttaý josparlanǵan, onyń ishinde 2021 jyly 43 mlrd teńge jumsaldy. Bıyl oblystardyń bólinýin eskere otyryp, 44 mlrd teńgege is-sharalar iske asyrylady.
Burynǵy aýdan ortalyqtaryn damytý baǵdarlamasy boıynsha 2021-2024 jyldary áleýmettik-ekonomıkalyq jaǵdaıdyń sapaly ózgerýine 43 mlrd teńge qarastyrylǵan. Onyń ishinde 2021 jyly jobalardy iske asyrýǵa 14 mlrd teńge jumsaldy, bıylǵy jylǵa 8 mlrd teńge bólindi.
«Shekara mańyndaǵy aýmaqtar men burynǵy aýdan ortalyqtaryn damytý josparlaryn iske asyrýdyń eki jyldyq nátıjesinde 15 myńnan astam jańa jumys orny ashyldy, 9 sport nysany, kóp páterli 3 jáne eki páterli 202 (19 myń sharshy metr) úı salyndy, 283 kılometr sýmen qamtý júıesi tartyldy, 156 áleýmettik nysan, sondaı-aq 450 kılometrden astam joldar men kósheler jóndeldi», - dep baıandady Danıal Ahmetov.