Danıal Ahmetov salynyp jatqan úıdiń qujattyq-smetalyq jobasyn qaıta jasaýdy tapsyrdy

ÓSKEMEN. QazAqparat - Salynyp jatqan ár páterge bir jarym garajdyq oryn qarastyrylý kerek, al aýlasy yńǵaıly bolýy tıis. Búgin Shyǵys Qazaqstan oblysynyń ákimi Danıal Ahmetov osyndaı tapsyrma berdi, dep habarlaıdy «QazAqparat» HAA tilshisi.

«Bul tapsyrma máselege qatysy bar barlyq adamǵa júkteledi», - dedi óńir basshysy jyl qorytyndysy boıynsha keńeıtilgen jınalysta qurylys basqarmasynyń basshylaryna.

Ol basqarma mamandarynyń kópqabatty páter qurylysynda jer aýmaqtaryn keńeıtý, ár aýlada turaq pen garajǵa oryn qarastyrý týraly tapsyrmasyn oryndamaǵanyna tańdanysyn bildirdi.

«Taǵy da qosymsha jer bólińder. Berilgen aýmaqqa úsh úı salýdyń qajeti joq, eki úı salyńdar. Aýla halyqqa yńǵaıly bolýy kerek, ne qurylys basqarmasy, ne Semeı men Óskemen ákimderi munymen aınalyspaǵan», - dedi ákim.

Barlyq taraptarǵa aıtylǵan syndy eskerip, tehnıkalyq qujattamany qaıta qarap shyǵý jáne qajetti qujattardy bir táýlikte daıyndaý mindeti júkteldi.

Bıyl 288,8 myń sharshy metr aýmaqty alatyn 57 jańa kóppáterli úıdiń qurylysy josparlanyp otyr.