Danıal Ahmetov nelikten ShQO turǵyndarynan 7 ese kóp jalaqy alatynyn túsindirdi
«Eń aldymen jalaqy júıesin, onyń ishinde ákimderdiń jalaqysy qalaı belgilenetinin túsindireıin. Ákimderdiń bazalyq jalaqysy bárinde birdeı. Ári qaraı eńbek ótiline qaraı ózgere beredi. Qazir meni áleýmettik jelide synap ketýlerińiz múmkin, biraq meniń eńbek ótilim – 48 jyl. Bul merzim osynda otyrǵan kez kelgenińizdiń jasynan úlken. Memlekettik qyzmette júrgenime 33 jyl boldy. Munda ómirbaıanymdy aıtpaı-aq qoıaıyn, degenmen basqa áriptesterimmen salystyrǵanda men jetkilikti óndiristik bazamen keldim. Sondyqtan da meniń qazirgi eńbekaqym 2 mıllıon teńgeden asady», - dedi D. Ahmetov Ortalyq kommýnıkatsııalar qyzmetinde tilshilerge bergen jaýabynda.
Sonymen birge tilshiler Danıal Ahmetovtan Shyǵys Qazaqstan oblysyndaǵy ortasha jalaqynyń qansha ekenin, ákim jalaqysynan neshe ese az ekenin surady.
«Óńirdegi ortasha jalaqy – 262 myń teńge. Bul meniń jalaqymnan 7 esege az. Biraq meniń aptasyna neshe kún jumys isteıtinimdi nege suramaısyzdar? Táýligine neshe saǵat jumysta bolamyn? Sizder óz ómirlerińiz turǵysynan paıym jasaısyzdar. Al biz Prezıdentimizdiń tapsyrmasyn buljytpaı oryndaý turǵysynan qaraımyz», - dedi Danıal Ahmetov.