Danelııa Tóleshova soǵys ardagerlerine án arnady

ALMATY. QazAqparat - Qazaqstandyq jas ónerpaz Danelııa Tóleshova ıÝlııa Pershýtanyń «Mamyr aıy» ániniń kaver nusqasyn oryndady, dep habarlaıdy QazAqparat tilshisi.

PR-dırektor Tatıana Sınenkonyń aıtýynsha, jas ánshi ánin Jeńistiń 75- jyldyǵyna arnady.

«Biz bul kompozıtsııany otbasymyzben tańdadyq. Soǵystyń surapyl jyldaryn kórgen adamdardyń júregine jol tabatyn án izdedik. Men bul ándi ózimniń arǵy atalarym Satymbek Tóleshov pen Kaden Nazaralıevtiń rýhyna arnaımyn», - dedi ánshi.

Satymbek Tóleshov Qyzyl Juldyz ordenimen, Polsha, Chehoslovakııa medaldarymen, Otan soǵysy ordenderimen, Polshanyń joǵary mártebeli Vertýty Mılıtarı ordeniniń kavaleri ataǵymen marapattalǵan.

Al ánshiniń naǵashy atasy Kaden Nazaralıev tyl ardageri bolǵan. Qurmet ordenimen, Otan soǵysy medalimen marapattalǵan.

«Barlyq qazaqstandyqtarǵa ashyq aspan, beıbit ómir tilegim keledi», - dedi ánshi.