Damyǵan elderde múgedekterge arnaıy úkimet tarapynan kómek kórsetiledi - Á. Amanbaev

ALMATY. Jeltoqsannyń 9-y. QazAqparat /Ádilet Musahaev / - Keshe Almatyda «Aman-saýlyq» qoǵamdyq qorynyń mamandary, ǵalymdar, bir top ÚEU-nyń qarttar men múgedekter úshin medıtsınalyq-áleýmettik qyzmet kórsetý júıesin jaqsartý týraly usynystardy qarastyrdy,

 dep habarlaıdy QazAqparat.

«Qoǵamdyq tyńdaýlar barysynda qatysýshylardyń qosymsha usynystary engizildi. Memlekettik organdarǵa ómirdiń memlekettik áleýmettik standarttaryn qalyptastyrý kezinde qosymsha qyzmetterdiń tizbesin paıdalanýǵa keńes berildi. Sonymen qatar bizdiń qordyń 2010 jyldyń sońyna deıin  Qazaqstandaǵy ómir sapasy kórsetkishiniń tizimin qalyptastyrýǵa baılanysty jańa bastamalary bar. Sondaı-aq 2010 jyldyń birinshi shıreginde múgedekter máselesine arnalǵan qoǵamdyq tyńdaýlar ótkizemiz», deıdi  "Aman-saýlyq" qoǵamdyq qorynyń prezıdenti Baqyt Túmenova.

«Damyǵan elderde múgedekterge Úkimet tarapynan arnaıy kómek kórsetiledi. Ár múgedektiń suranysyna qaraı qyzmet jasalady. Mysaly, qol arbadaǵy múgedekterdi tasıtyn kólikterge keletin bolsaq, ákimshilik tarapynan 18 arnaıy kólik bólingen, biraq olar qarajat bolmaǵandyqtan iske qosylmaı tur. Qazir ózimiz kommertsııalyq bastama jasap, sodan túsken qarajatqa qyzmet kórseteıik dep otyrmyz, al negizinen bul úkimettiń jumysy dep oılaımyn.  Keshe semınarda jasalǵan kóptegen usynystardy úkimet tarapy qoldap, túsinistikpen qarap otyr», deıdi Qazaqstan múgedekter uıymdary odaǵynyń tóraǵasy Ábdildauly.