DamuBala istemeı tur: Almatylyq ata-analar balasyn tegin úıirmege jaza almady
23:15, 02 Mamyr 2023
ALMATY. QazAqparat - Búgin keshki 18.00-de almatylyq ata-analar úshin balasyn úıirmege kezekke turǵyzý bastaldy. Alaıda kópshiligi kezekke jazyla almady. Óıtkeni DamuBala platformasy durys jumys istemeı tur, dep habarlaıdy QazAqparat.
Bul jaǵdaıǵa oraı DamuBala júıesi resmı túsinik berdi.
«Qurmetti DamuBala júıesin qoldanýshylar! Ókinishke qaraı, bizge baılanysty emes sebeptermen Almatyda kezekke turý múmkindigi búgin júzege aspady. Kezektiń ashyqtyǵy pen onyń ádil bólinýin qamtamasyz etý úshin kezekke turý erteń, ıaǵnı 3 mamyr saǵat 18:00-de qaıta bastalady»,- dep jazdy tegin úıirmeler men sektsııalar baǵdarlamasynyń operatory Instagram paraqshasynda.