«Damý» qorynyń burynǵy basshysy B.Moldınov elge qaıtarylatyn boldy

ASTANA. QazAqparat - Reseı Federatsııasynyń Bas prokýratýrasy Qazaqstan Respýblıkasy Bas prokýratýrasynyń «Shaǵyn kásipkerlikti damytý qory» Aktsıonerlik qoǵamynyń (búginde «Damý» kásipkerlikti damytý qory» AQ) burynǵy jetekshisi, alaıaqtyqtyń alty deregi boıynsha kúdikti Baýyrjan Moldınovty ustap berý jóninde jasaǵan ótinishin qanaǵattandyrdy.

QR Bas prokýratýrasy baspasóz qyzmetiniń habarlaýynsha, ol basqa da qyzmetkerlermen birigip 2006-2007 jyldar aralyǵynda jalǵan jolmen qordan 60 mln-ǵa jýyq aqshalaı qarajatty urlaǵan.

2010-2011 jyldary osy is boıynsha onyń barlyq sybaılastary alaıaqtyq úshin sottalǵan, al Baýyrjan Moldınov tergeýden jasyrynyp qalǵan.

6 jyl boıy ol memleketten tys aımaqta bolǵan, naqtyraq aıtqanda, ol Bashqurtstandaǵy tanystarynda jasyrynyp, kezdeısoq tabys kózimen kún kórip júrgen.

Qazaqstan men Reseı memleketteriniń quqyq qorǵaý organdarynyń ózara yntymaqtastyǵynyń arqasynda Moldınov Ýfa qalasynda ustaldy.

QR Bas prokýratýrasy ІІM-niń Qylmystyq-atqarý júıesi komıtetine kúdiktini Reseı Federatsııasynyń quzyrly organdarynan qabyldap alýǵa tapsyrma berdi.