«Damý» qory alǵash jasyl oblıgatsııalar lıstıngin ótkizdi
«Damý» kásipkerlikti damytý qory» AQ jańartylatyn energııa kózderine ınvestıtsııalaý táýekelderin tómendetý jóninde BUU DB-men jasalǵan kelisimniń sheńberinde AІH-te 200 mln teńge somasynyń «jasyl» kýpondyq oblıgatsııalaryn 36 aı aınalý merzimimen tirkedi jáne shyǵardy.
Kýpondyq mólsherleme – 11,75%. Bul ornalastyrý Astana International Exchange (AІH) «jasyl» qaǵıdattaryna sáıkes keletin baǵaly qaǵazdardyń alǵashqy lıstıngi jáne jalpy alǵanda Qazaqstandaǵy alǵashqy jasyl oblıgatsııalar lıstıngi boldy», delingen habarlamada.
AHQO jasyl qarjy ortalyǵy jobaǵa tolyq súıemeldeý kórsetti jáne emıtenttiń Jasyl oblıgatsııalar salasyndaǵy saıasatynyń AІH-tiń Jasyl oblıgatsııalar jónindegi saıasaty men ICMA-nyń (Kapıtal naryqtarynyń halyqaralyq qaýymdastyǵy) Jasyl oblıgatsııalar qaǵıdattaryna sáıkestigin baǵalaýǵa negizdelgen ekinshi taraptyń qorytyndysy nysanyndaǵy syrtqy sholýdy usyndy
«Qordyń tartqan qarajaty «Damý» qorynyń Jasyl oblıgatsııalar salasyndaǵy saıasatynyń sheńberinde JEK boıynsha shaǵyn aýqymdy ınvestıtsııalyq jobalardy iske asyratyn kásipkerlik sýbektilerin odan ári kredıtteý maqsatynda ekinshi deńgeıdegi bankterde jáne mıkroqarjylyq uıymdarda ornalastyrylatyn bolady. Joǵaryda atalǵan kelisimniń sheńberinde «Damý» qorynyń kýpondyq mólsherlemesiniń qosa sanaǵan 12% kólemindegi bir bóligin BUU DB sýbsıdııalaıdy. Joǵaryda kórsetilgen kelisimniń sheńberinde kýpondyq mólsherlemeniń bir bóligi BUU DB tarapynan sýbsıdııalanatyn bolady. Budan basqa, BUUDB sonymen qatar ınvestıtsııalyq jobalardy irikteýde tehnıkalyq qoldaý kórsetedi. «Damý» qorynyń «jasyl» oblıgatsııalaryn AІH-te shyǵarý jáne ornalastyrý boıynsha lıd-menedjer «BCC Invest» AQ bolyp tabylady», delingen habarlamada.
«Jasyl oblıgatsııalar boıynsha bizdiń alǵashqy emıtentimiz úshin qýanyshtymyz. «Damý» qorynyń bizdiń jasyl qaǵıdattarymyzǵa sáıkes keletin baǵaly qaǵazdarynyń lıstıngi jasyl ekonomıkany damytýǵa qarajat tartatyn basqa da uıymdar úshin úlgi bolady dep senemiz», - dedi AІH basqarmasynyń tóraǵasy Tım Bennett.
«AІH-tegi jasyl oblıgatsııalar lıstıngi «Damý» qory úshin «jasyl» qarjylandyrý jáne mıkro, shaǵyn, orta jeke bıznesti qoldaý strategııasyn iske asyrýdaǵy mańyzdy qadam boldy. Bul shyǵarylym jańartylatyn energııa kózderi men energııa tıimdiligi salasyndaǵy jobalardy damytýǵa jáne qarjylandyrýǵa yntalandyratyn bolady dep senemiz. «Jasyl» qarjylandyrýǵa suranys artqan jaǵdaıda, «Damý» qory osyndaı jobalarǵa ınvestıtsııalaýǵa arnalǵan jasyl oblıgatsııalardy qosymsha shyǵarý múmkindigin qarastyrýǵa ázir», - dedi «Damý» qory basqarmasynyń tóraıymy Gaýhar Bóribaeva.
Eske sala ketsek, AIX 2017 jyly «Astana» halyqaralyq qarjy ortalyǵyn damytý sheńberinde quryldy. AHQO, GoldmanSachs, Shanhaı qor bırjasy, Jibek joly qory jáne AIX saýda platformasyn usynatyn NASDAQ AIX aktsıoneri qatarynda. Bırja aǵylshyn jalpy quqyq qaǵıdattaryna negizdelgen normatıvtik-quqyqtyq orta sheńberinde jumys isteı otyryp, osy arqyly ınvestıtsııalaýdyń senimdi sharttaryn qamtamasyz etedi.