Damý bala: 81 kásipkerden 55 mln teńgeden astam qarajat alǵan adamǵa qatysty tergeý bastaldy

<p>ASTANA. KAZINFORM - Qarjylyq monıtorıng agenttigi Qyzylorda oblysynda birneshe qoǵamdyq uıym múshesine alaıaqtyq faktisi boıynsha sotqa deıingi tergep tekserýdi bastady, dep habarlaıdy QR Qarjylyq monıtorıng agenttiginiń baspasóz qyzmetine silteme jasap.</p>

Ol «Damý bala» platformasy arqyly qyzmet kórsetetin kásipkerlik sýbektilerine qoıylatyn talaptarǵa sáıkestigin tekserý aktilerinen, balalar shyǵarmashylyǵy jáne sport salasynda anyqtalǵan buzýshylyqtardy alyp tastaý úshin 81 kásipkerlik sýbektisinen óziniń senimdi tulǵalary arqyly 55 mln teńgeden astam qarajat alǵan dep kúdiktelýde.

Sporttyq jabdyqtardyń talaptarǵa sáıkes kelmeýi, balalardyń kelýin esepke alýdyń buzylýy, beınebaqylaý júıeleriniń tolyq sáıkes kelmeýi jáne sport sektsııalaryna baratyn balalardyń qaýipsizdigin qamtamasyz etý jáne basqa da buzýshylyqtar anyqtaldy.

Atalǵan fakt boıynsha tergeý júrgizilýde.

Sotpen kúdiktige qatysty úıqamaq túrindegi bultartpaý sharasy taǵaıyndaldy.

Ózge málimetter QR QPK-niń 201-babyna sáıkes jarııa etilýge jatpaıdy.

QR Konstıtýtsııasynyń 77-baby 3-tarmaǵynyń 1-tarmaqshasyna jáne QR Qylmystyq is júrgizý kodeksiniń 19-baby 1-bóligine sáıkes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árqaısysy kinásiz dep esepteledi.

Osyǵan deıin Qarjylyq monıtorıng agenttiginiń bıyl 34 jobadan 79 mlrd teńge artyq shyǵyndy qysqartqanyn jazdyq.