Dámi tátti jeńilis - baspasózge sholý
***
Elimizdiń bas basylymy «Egemen Qazaqstan» gazeti Memleket basshysy Nursultan Nazarbaevtyń Sochı qalasynda ótken Qazaqstan men Reseıdiń HІІ óńiraralyq yntymaqatastyq forýmyna qatysqanyn jaza kele, forým kezinde eki eldiń aýyl sharýashylyǵy ónimderiniń kórmesi usynylǵanyn habarlaıdy. «Jalpy, mundaı pishimdegi kezdesýler 2003 jyldan beri úzilissiz, dáliregi, jyl saıyn eki eldiń ónerkásibi órkendegen óńirlerinde kezekpen ótkizilip keledi. Osy aralyqta atalǵan forým aıasynda 200-den astam kelisim jasaldy. Nátıjesinde, eki jaqqa da paıdaly, tıimdi jumystar júzege asyrylýda. Sondyqtan da, bul forýmdy Qazaqstan-Reseı qarym-qatynasynyń nyǵaıa túsýine ózindik yqpalyn tıgizip otyrǵan bedeldi, salıqaly basqosý dep sanaýymyzǵa ábden bolady. Bul týraly basylymnyń búgingi sanyndaǵy «Qazaqstan - Reseı: keń óristi kelisimder» atty maqaladan oqı alasyzdar.
«Egemen Qazaqstan» gazeti búgin sondaı-aq Qazaq handyǵyna deıingi jáne Qazaq handyǵy kezeńindegi Qazaqstan aýmaǵyndaǵy qala jáne dala mádenıeti týraly taldamaly materıal usynǵan. «Mońǵol shapqynshylyǵynyń alǵashqy kezeńinde Qazaqstandaǵy qarqyndy damýǵa bet alǵan otyryqshy jáne qala mádenıeti aıaýsyz talqandalǵanymen, HІІІ ǵasyrdyń orta sheninde Ońtústik óńirdegi qala tirshiligi birshama jandana túskeni baıqalady. Qalalar qaıta eńse kóterip, saýda jáne dıplomatııalyq baılanystar torabyna aınalyp, halyq turmysy jaqsara túskeni tarıhı shyndyq. Jazba derekter men arheologııalyq qazba oljalaryna zeıin salǵan tarıhshylar Syrdarııanyń Otyrar, Zernuq, Saýran, ıAsy, Syǵanaq qalalaryn aıryqsha ataıdy»,-dep jazady basylym. Bul jóninde «Tarıh taǵylymy - urpaqqa ulaǵat» atty maqaladan tolyq oqýǵa bolady.
***
«Aıqyn» gazeti búgingi sanynda Qazaqstan fýtbolynyń tarıhynda alǵash ret ÝEFA Chempıondar Lıgasynyń toptyq kezeńinde debıýtti matchyn oınaǵan «Astana» komandasynyń oıynyn «uıalatyn eshteńemiz joq» dep jazady. «Chempıondar lıgasy. S toby.
«Benfıka» (Portýgalııa) - «Astana» - 2:0 (Gaıtan, 51, Mıtroǵly, 62)
«Galatasaraı» (Túrkııa) - «Atletıko» (Ispanııa) - 0:2
Chempıondar lıgasyndaǵy alǵashqy match úshin uıalatyn eshteńemiz joq. «Astana» óte jınaqy, eń bastysy, lıga talaptaryna saı oıyn kórsetti. Bilýimizshe, bul topta bizdiń komanda upaı taratýshy bolyp qalmaıdy»,,-dep jazady basylym. «Aıqyn» atap ótkendeı, «Astana» qorǵanysqa búk túsip jatyp alǵan joq. Ádette, bizdiń komandalar ózinen dańqy da, sheberligi de, bedeli de basym ujymǵa jolyqsa, arlan kórgen kúshikteı búgejektep qalatyn edi. «Astana» shabýylǵa shabýylmen jaýap berip, bul týrnırdiń kezdeısoq qatysýshy emes ekenin sát saıyn dáleldep jatty. Stoılov bul kúni óz shákirtteriniń bar múmkindigin sarqa paıdalandy. Ortadaǵy Kanıas-Jýkov-Maksımovıch úshtiginiń ishinde Jýkov ádettegi oıyndarda shabýylǵa kóp aralasatyn edi. Bul kúni qarsylasty kútip alýǵa negizgi jaýaptylardyń biri boldy. Jýkovtyń kezdesý qorytyn-dysynda Chempıondar lıgasynyń alǵashqy oıyn kúnindegi eń dóreki fýtbolshynyń biri bolyp tanylýy da kezdeısoq emes. Bul týraly Aıqynnyń búgingi sanyndaǵy «D ámi tátti jeńilis » atty maqalasynan oqyńyzdar.
***
Al, «Ekspress-K» basylymy búgin Astana qalasynyń syrtyndaǵy joldardyń birinde avtojoldyń qaq ortasyna qoıylǵan baǵan týraly jazady. «Astana qalasynyń mańynda, Oqjetpes kóshesinde, joldyń qaq ortasynda jaryq baǵany ornatylypty. Buryn, Oqjetpes kóshesinde asfalt tóselmegen kezde, bul baǵan eshkimge kedergi keltirmegen edi. Al, qazir, asfalt tóselgen kezde, kólikter bul baǵannan qatty «qorqady», dep jazady basylym. Bul týraly «Ekspress-K» gazetiniń búgingi sanyndaǵy «I chego vy týt stolbılıs?» degen maqalasynan oqyńyzdar.