Dámhana meımandarynan talap etilip júrgen 10 paıyzdyq qosymsha aqyǵa tyıym salynady

<p>ASTANA. KAZINFORM &ndash; Elimizdegi ishki saýda erejesine ózgeris engizý josparlanyp otyr. Bul týraly Saýda jáne ıntegratsııa mınıstri Arman Shaqqalıev aıtty.</p>

Senattyń jalpy otyrysynan keıingi baspasóz máslıhatynda tilshiler mınıstrden dámhanalar men meıramhanalardaǵy qyzmet úshin alynatyn ústeme aqsha men depozıtter belgileý qanshalyqty zańdy ekenin surady.

«Biz zańnamany muqııat zerttedik. Eger meıramhananyń kireberisinde jarııa oferta bolsa, ıaǵnı qyzmet kórsetý sharttaryn belgileıtin jazbasha mátindi oqyp, ary qaraı kirseńiz, onda siz osy sharttarmen keliskenińizdi bildiredi. Atap aıtqanda, qazir ishki saýda erejelerine ózgertýler ázirlep jatyrmyz. Bizdińshe, eger sizge qyzmet kórsetilse jáne onda qyzmet kóresetý quny qamtylsa, dámhanalar qosymsha aqy almaýy tıis. Sondyqtan osy erejelerdi pysyqtap jatyrmyz», - dedi A. Shaqqalıev.

Onyń aıtýynsha, bul turǵyda tıisti talqylaý uıymdastyrylady.

«Árıne, bıznes ókilderiniń keıbiri osy ózgeristermen kelispeýi múmkin. Bul másele meıramhanaǵa kelgen qonaqtardan kórsetilgen qyzmet úshin qosymsha aqy alýǵa qatysty. Qazir bul aqyny sizder chekterde jazylyp júrgenin kórip júrsizder. Endi bul alymdy zańsyz etetin tıisti talapty belgileımiz, ıaǵnı qyzmet úshin 10 paıyzdyq alym qoıylmaıdy. Nege adamdar kórsetilgen qyzmetke 2 márte tóleýi kerek?», - dedi mınıstr.

Onyń sózine qaraǵanda, atalǵan túzetýler qazan aıynda engizilýi múmkin.