Damask áýejaıy 7 qańtardan bastap halyqaralyq reısterdi qabyldaı bastaıdy

<p>ASTANA. KAZINFORM &mdash; Sırııadaǵy Damask áýejaıy 7 qańtardan bastap halyqaralyq reısterdi qalpyna keltiredi.</p>

Bul týraly senbide Sırııanyń azamattyq avıatsııa jáne áýe kóligi basqarmasynyń basshysy Ashhad as-Sleıbı málimdedi, dep habarlaıdy Sınhýa aqparat agenttigi. 

Sheneýniktiń Sırııa memlekettik SANA aqparat agenttigine bergen túsiniktemesine sáıkes bılik qazir Damask pen soltústik Aleppo qalasyndaǵy áýejaılardy halyqaralyq reısterdi oryndaý úshin jan-jaqty daıyndaýmen aınalysyp jatyr. 

Áýe aılaqtarynyń jumysy 2024 jyly jeltoqsanda Sırııanyń burynǵy prezıdenti Bashar Asad úkimeti qulaǵannan keıin toqtatyldy.

2 qańtarda Qatar Airways ulttyq áýe kompanııasy 2025 jyldyń 7 qańtarynan bastap Damaskige reısterdi qalpyna keltiretinin habarlady.

Eske salsaq, Sırııa oppozıtsııasy Damaskiniń Asad rejıminen azat etilgenin jarııalady. Bul týraly Sırııadaǵy adam quqyqtaryn baqylaý ortalyǵy habarlady.

Keıinnen Bashar Asad prezıdenttik qyzmetten bas tartyp, elden ketý týraly sheshim qabyldaǵany belgili boldy.

16 jeltoqsanda Bashar Asad elden qashqan soń alǵash ret málimdeme jasaǵanyn jazǵan edik.

BUU málimetinshe, 3 aptada kórshi elderden Sırııaǵa 50 myńnan asa adam oralǵan.