Jańa redaktsııaǵa sáıkes, órtti baıqaǵan kezde jergilikti atqarýshy organdar memlekettik órtke qarsy qyzmetke habarlaıdy. Sonymen qatar órt sóndirý pýnkitiniń kúshi men quralyn tartýdy uıymdastyrady.
Órt sóndirý basshysynyń mindetteri:
— órt sóndirý kúshi men quraldaryna basshylyq etedi;
— qoıylǵan mindetterdiń oryndalýyna jáne órtti sóndirý boıynsha jumysty qaýipsiz júrgizýdi qamtamasyz etýge jaýap beredi;
— órt túrin, onyń qarqyny men kólemin, jer bederin, aǵymdaǵy jáne boljamdy aýa-raıy ereksheligin, órt sóndirý kúshi men quralynyń bar-joǵyn eskere otyryp, órt sóndirýdiń taktıkalyq tásili, ádisi men amalyn tańdaýdy júzege asyrady;
— órt sóndirý boıynsha is-qımyl júzege asyrylatyn aýmaqtyń shekarasyn, kórsetilgen is-qımyl tártibin belgileıdi;
— qosymsha kúsh pen quraldar tartýdyń qajettiligin anyqtaıdy;
— órt jaǵdaıynyń ózgerýin úzdiksiz baqylaıdy jáne tıisti sheshim qabyldaıdy;
— órt sóndirý úshin, kólik pen basqa da materıaldyq-tehnıkalyq quraldardy qosa alǵanda, kásibı, salalyq órtke qarsy qyzmettiń jáne órtke qarsy erikti quralymdardyń kúshi men quralyn tartady;
— órtti sóndirý jumysyn júrgizý kezeńinde tseh pen basqa da obektilerdiń jumysyn toqtata turýǵa, adamdardy, materıaldyq qundylyqtardy qaýipti aımaqtan evakýatsııalaýǵa ókim beredi.
— Órt sóndirý kezinde jergilikti atqarýshy organdar qutqarýshylardy janar-jaǵarmaı jáne tamaqpen qamtamasyz etedi, — delingen qujatta.
Aıta ketsek, keshe órt sóndirýshiler Qostanaı oblysyndaǵy dala órtimen kúresti.
Sondaı-aq Qazgıdromettiń habarlaýynsha, 10 oblysta áli de órt qaýpi bar.