«Dala qasqyrlary» fılmi kanadalyq kınofestıvalde joǵary baǵalandy

<p>ASTANA. KAZINFORM&nbsp;- <strong>Kanadalyq bedeldi kınofestıvalde &laquo;Dala qasqyrlary&raquo; fılmi joǵary baǵalandy. Bul týraly Mádenıet jáne aqparat mınıstrligi málimdedi.</strong></p>

Fantasia Film Festival kınofestıvalinde qazaqstandyq fılm qazylar alqasy tarapynan joǵary baǵaǵa ıe boldy. Basty rólderdi somdaǵan Berik Aıtjanov pen Anna Starchenko festıvaldiń úzdik akterleri atandy.

Fılm ujymy úshin aıtýly oqıǵa – operator Erkinbek Ptyralıev Oskar kınoakademııasynyń músheligine qabyldanýy. Osylaısha, ol «Oskar» syılyǵyna daýys berýge qatysatyn alǵashqy qazaqstandyq atanady.

Rejısser Ádilhan Erjanovtyń «Dala qasqyrlary» fılmi buǵan deıin Reims polar 2024 kınofestıvalinde frantsýz synshylar qaýymdastyǵynyń júldesin jeńip alǵan bolatyn. Fılm tártipsizdik kezinde urlanǵan ulyn izdep júrgen Tamara esimdi áıeldiń basyndaǵy muńly oqıǵany baıandaıdy. Ol kúmándi detektıvtiń kómegine júginip, keıin kútpegen oqıǵalarǵa tap bolady.

Kınokartına QR Mádenıet jáne aqparat mınıstrliginiń qoldaýymen túsirilgen.