Dál qazir 34 myńnan astam adam tasqynmen kúresip júr

<p>ASTANA. KAZINFORM - Úkimet Qazaqstannyń batys jáne soltústik óńirlerindegi aýqymdy sý tasqynyn boldyrmaý jáne onyń saldaryn joıý úshin qajetti kúshter men quraldardy jumyldyrdy. Bul jaıynda Úkimettiń baspasóz qyzmeti habarlady.&nbsp;</p>

Foto: Primeminister.kz

Búgingi tańda apatty-qutqarý jumysyna TJM, Qorǵanys mınıstrligi, ІІM, UQK, MKQ, ákimdikter men uıymdardan táýlik boıy 34 myńnan astam adam, 4 myńnan astam tehnıka, 890 sorǵy jáne 335 qaıyq, 19 áýe kemesi tartyldy.

Foto: QR Úkimeti

Sý tasqyny bastalǵaly beri Batys Qazaqstan, Atyraý, Aqtóbe, Qostanaı jáne Soltústik Qazaqstan oblystaryna Aqmola, Almaty, Qaraǵandy, Pavlodar, Túrkistan jáne basqa oblystardan 1 myńnan astam arnaıy tehnıka men jeke quram jiberildi.

Foto: QR Úkimeti

Búginde zardap shekken óńirlerge qosymsha 500-den astam arnaıy tehnıka jolǵa shyqty. Olar 2 táýlik ishinde jetýge tıis.

Foto: QR Úkimeti

Osy oraıda jergilikti jerlerde ózender men sý aıdyndarynyń janynda ornalasqan eldi mekenderdi qyzyl sýdan qorǵaý boıynsha qajetti jumystar júrgizilip jatqanyn atap ótken jón. Qorǵanys qurylystary men bógetter salynyp, erigen qar sýyn shyǵarý qolǵa alynyp, ınertti materıal toltyrylǵan qapshyqtar tóselýde.

Aerovızýaldy tekserý men drondardyń kómegimen ózenderdegi jáne sý qoımalaryndaǵy jaǵdaıǵa táýlik boıy monıtorıng júrgizilýde.

Foto: QR Úkimeti