Qazaq ǵalymdary jasaǵan «Taımas» bıdaıynyń sapasy sheteldik jáne otandyq sorttardan asyp tústi

<p>ASTANA. KAZINFORM — Serik Jumanǵarın Aqmola oblysyndaǵy A. I. Baraev atyndaǵy Astyq sharýashylyǵynyń ǵylymı-óndiristik ortalyǵyna bardy. Klımattyń ózgerýi — ǵylymı óndiristik ortalyqtyń qyzmettik baǵytyn anyqtaıtyn negizgi zertteý jumysynyń biri. ǴÓO qurǵaqshylyqqa jáne ystyqqa tózimdi dándi daqyldardy, dándi-jemshóp daqyldaryn, kópjyldyq burshaq jáne azyqtyq shópterin irikteýmen, tuqym sharýashylyǵymen jáne kommertsııalandyrý jumystarmen aınalysady.</p>

Ortalyq ǵalymdary shyǵarǵan «Taımas» jumsaq jazdyq bıdaıdyń jańa sortynyń sapasy sheteldik jáne otandyq sellektsııalyq sorttardan áldeqaıda jaqsyraq, sharýalar arasynda úlken suranysqa ıe.

Byltyr atalǵan sort Qaraǵandy oblysynyń fermerlerine bir gektardan 30 tsentner ónim alýǵa múmkindik berdi.

Ortalyq qyzmetkerleriniń joǵary ǵylymı múmkindikteri men jetistikteri halyqaralyq deńgeıde tanymal. ǴÓO 2027 jyly aýyl sharýashylyǵy baǵyty boıynsha tabıǵatty qorǵaý 10 dúnıejúzilik kongressin ótkizýdi josparlanyp otyr.

Foto: QR Úkimeti

Sondaı-aq ortalyq kópjyldyq shóptiń túrleri men sorttarynyń alýan túrliligi boıynsha elimizde kósh bastap tur. Burshaqty shópterdiń jáne bir jyldyq jemshóp daqyldarynyń 10 túriniń 29-dan astam sorty shyǵaryldy.

Jınalǵan tájirıbe men ortalyqtyń ǵylymı bazasyn eskere otyryp, Serik Jumanǵarın ortalyqqa jaıylymdardyń degradatsııasyn tómendetý boıynsha usynystar jasaýdy tapsyrdy.

«Byltyr jergilikti turǵyndarǵa qoǵamdyq jaıylymdarǵa qol jetkizýge múmkindik beretin Jaıylym týraly zań qabyldandy. Biraq máseleniń ekinshi jaǵy — olardyń degradatsııasy. Aldaǵy birneshe jylda bizdiń aldymyzda barlyq jaıylymdyq jerlerge qaıta sebý mindeti tur. Máseleni tıimdi sheshý jáne qajetti kólemdi jemshóp daqyldarynyń tuqymyn óndirýdi jáne barlyq qajettiliktermen qamtamasyz etý jóninde usynys berýlerińizdi suraımyn», — dedi vıtse-premer ınstıtýt qyzmetkerlerine.

Foto: QR Úkimeti

Jaıylym jerleriniń degradatsııasy máselesin sheshý úshin kópjyldyq jáne burshaq tuqymdas shópter, sonymen qatar bir jyldyq jemshóp daqyldarynyń tuqymyn arttyrý usynyldy.

Sondaı-aq mal azyǵy daqyldarynyń otandyq sorttaryn kóbeıtýmen aınalysatyn elıtalyq tuqym jáne tuqym sharýaqojalyqtaryn keńeıtý josparlanǵan.

Budan bólek, Serik Jumanǵarın ortalyq bazasynda kómirtekti eginshilikti zertteýdi usyndy. Ol naryqtaǵy quny bıdaıdan áldeqaıda joǵary jemshóptiń joǵary eksporttyq áleýetin atap ótti.

Vıtse-premer Qazaqstanda júrgizilip jatqan aýylsharýashylyq daqyldaryn ártaraptandyrý saıasatyn eskere otyryp, qurǵaqshylyqqa tózimdi, maıly, mal azyǵy daqyldaryn kóbeıtý aýyl sharýashylyǵy ǵylymyn damytýdyń baǵdaryna aınalýǵa tıis ekenin aıtty.