DAISh terrorıstik uıymyna qatysty materıal taratqan 7 kúdikti qamaýǵa alyndy

AQTÓBE. QazAqparat - Aqtóbede DIASh halyqaralyq terrorıstik uıymyna qatysty materıaldardy taratqandar qamaýǵa alyndy. Oblystyq sot jeti kúdiktige qatysty qamaýda ustaý bultartpaý sharasyn sanktsııalady, dep habarlaıdy QazAqparat tilshisi.

Aqtóbede lańkestikke shaqyryp, el ishine iritki salmaq bolǵan kúdiktiler ustaldy. Sot kúdiktilerge qatysty qamaýda ustaý bultartpaý sharasyn sanktsııalady.

«Kúdiktiler Qylmystyq kodekstiń «Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý», «Terrorızmdi nasıhattaý nemese terrorızm aktisin jasaýǵa jarııa túrde shaqyrý» baptary boıynsha qamaýǵa alyndy. Sot 22 sáýirden bastap eki aıǵa qamaýda ustaý bultartpaý sharasyn sanktsııalady»,- dedi oblystyq sottyń baspasóz qyzmeti Ilıada Dosova.

Aıta keteıik, buǵan deıin Ulttyq qaýipsizdik komıteti Aqtóbe men Ońtústik Qazaqstan oblystarynda júrgizilgen arnaıy operatsııa barysynda 4 radıkaldy toptyń joly kesilgenin habarlaǵan bolatyn. Ustalǵan 11 adamnyń jeteýi aqtóbelik ekeni málim boldy.