Daǵystanda Kaspıı teńiziniń jaǵalaýynan 18 adamnyń súıegi tabyldy
14:28, 28 Aqpan 2023
MAHAChKALA. TASS-QazAqparat – Daǵystan tergeýshileri Kaspıı teńiziniń jaǵasynan 18 adamnyń súıegi tabylǵannan keıin tekseris uıymdastyrdy. Bul týraly RF Tergeý komıteti respýblıka boıynsha tergeý basqarmasynyń baspasóz qyzmetinen málim etti, dep habarlaıdy QazAqparat TASS jańalyqtaryna silteme jasap.
«Kaspıı teńiziniń jaǵasynan 18 adam súıeginiń tabylý faktisi boıynsha RF Tergeý komıteti Daǵystan Respýblıkasy boıynsha tergeý basqarmasynyń tergeýshileri tekserý uıymdastyrdy», - delingen agenttik habarlamasynda.
Aldyn ala boljam boıynsha adam súıekteri HH ǵasyrdyń 30-jyldaryna tıesili.
Buǵan deıin áleýmettik jelilerde Mahachkalada jergilikti demalys ortalyǵynyń janynan 18 adamnyń súıegi tabylǵany týraly aqparat taraǵan.