Daǵystanda janarmaı stansasy jarylyp, 13 adam mert boldy

<p>ASTANA. KAZINFORM &ndash; Daǵystannyń Mahachkala qalasyndaǵy janarmaı stantsııasynda bolǵan jarylystan keminde 13 adam mert boldy, dep habarlady<a href="https://ru.euronews.com/2024/09/28/daghestan-explosion" target="_blank" rel="noopener"> euronews.com</a> RF Tótenshe jaǵdaılar mınıstrliginiń baspasóz qyzmetine silteme jasap.</p>

Oqıǵa juma kúni keshke Daǵystan astanasynyń mańyndaǵy Novyı Hýshet aýylynda bolǵan.

Tótenshe jaǵdaılar mınıstrligi jarylystan tehstantsııa men ashanaǵa zaqym kelgenin habarlady. Jarylys kezinde ol jerde adamdar bolǵan jáne 20 adam jaraqat alǵan.

Reseı Tergeý komıtetiniń Daǵystan boıynsha tergeý basqarmasy jarylysqa baılanysty is qozǵady.

«RF QK 238 baby, 3 tarmaǵy (abaısyzda eki nemese odan da kóp adamnyń ólimine ákelip soqqan tutynýshylardyń ómiri men densaýlyǵynyń qaýipsizdigi talaptaryna saı kelmeıtin qyzmet kórsetý) boıynsha is qozǵaldy»,-delingen vedomstvo habarlamasynda.

Bılik 28-shi qyrkúıekti azat tutý kúni dep jarııalady.

«Reseı Tótenshe jaǵdaılar mınıstrliginiń órt sóndirýshileri Daǵystandaǵy jarylys bolǵan janarmaı stantsııasyndaǵy órtti sóndirdi. Qutqarýshylar qırandylardy arshyp jatyr»,-dep habarlady búgin keshkisin reseılik TASS agenttigi.