Daǵdarysqa qarsy sharalar jónindegi shtab: Qurylys materıaldarynyń baǵasy turaqtandy

NUR-SULTAN. QazAqparat – Búgin Úkimette QR Premer-Mınıstri Álıhan Smaıylovtyń tóraǵalyǵymen Daǵdarysqa qarsy sharalar jónindegi jedel shtabtyń kezekti otyrysy ótti. Otyrysta qurylys salasyn damytý máseleleri qaraldy, dep habarlaıdy QazAqparat primeminister.kz-ke silteme jasap.

Indýstrııa jáne ınfraqurylymdyq damý mınıstri Q. Óskenbaev bıyl Qazaqstanda 15,1 mln sharshy metr turǵyn úıdiń salynýy kútilip otyrǵanyn aıtty. Turǵyn úı jobalaryn jáne jeńildetilgen nesıe berýdi iske asyrýǵa 492 mlrd teńge, ınjenerlik jáne kólik ınfraqurylymyn damytýǵa 1,4 trln teńge baǵyttalady.

Sondaı-aq, qurylys materıaldary baǵasynyń turaqtanýy baıqalady, ásirese, armatýranyń baǵasy 3%-ǵa, gaz blogynyń baǵasy 3%-ǵa, shynynyń baǵasy 17,6%-ǵa tómendedi.
Bıznes qoǵamdastyqpen birlesip memlekettik satyp alý jáne kommertsııalyq turǵyn úıdi damytý boıynsha jedel jáne júıeli sharalar pysyqtalýda.
Negizinen qurylys protsesterin ákimshilendirý tetigin qaraýǵa (qurylysqa ruqsat berý, sáýlet-josparlaý tapsyrmasyn berý jáne eskızdik jobany kelisý) jáne basqa da ózekti máselelerge nazar aýdaryldy.
Jedel shtabtyń kelesi otyrysy 21 naýryzda ótedi.