Dəýren Abaev HQKO-da qaza tapqan adamnyń týǵan-týysyna kóńil aıtty
"Almaty Alataý aýdanynyń Halyqqa qyzmet kórsetý ortalyǵynda oryndyqta otyryp, qaıtys bolǵan adam týraly bilemin. Týǵan-týystaryna kóńil aıtamyn",-dedi D. Abaev búgin "Ýaqytsha tirkeý sharalary týraly" talqylaý alańyna qatysa otyryp.
Bul rette, Aqparat mınıstri HQKO-da hali nasharlaǵan adamǵa birden medıtsınalyq kómek kórsetilgenin atap ótti.
"Birden medıtsınalyq kómek kórsetildi",-dedi D.Abaev.
Esterińizge sala keteıik, búgin Almaty qalasy Alataý aýdanyndaǵy Halyqqa qyzmet kórsetý ortalyǵynda (HQKO) 1964 jyly týǵan azamattyń qaıtys bolǵany habarlanǵan bolatyn.
«2017 jyldyń 16 qańtarynda Almatydaǵy Alataý HQKO-da 1964 jyly týǵan Jaras Kýntakov esimdi azamat qaıtys boldy. Marqum joldasymen birge HQKO-ǵa «mekenjaı boıynsha azamattardy tirkeý» talabyna baılanysty saǵat 9:30-da kelgen. Bul ýaqytta atalǵan HQKO-da halyq kóp jınalmaǵan. Ol joldasy qujattardy toltyryp jatqan ýaqytynda elektrondy kezek talonyn almaq bolǵan, alaıda ony alyp úlgermesten 09:42-de ózin nashar sezine bastaǵan. Oǵan HQKO-da kezekshiliktegi dárigerler dereý medıtsınalyq kómek kórsetti. 09:52-de «Jedel járdem» kóligi kelip jetken. Alaıda, dárigerler onyń janyna arasha túse almady», delingen «Azamattarǵa arnalǵan úkimet» memlekettik korporatsııasy» habarlamasynda.
Eske sala keteıik, 11 qańtar kúni Almaty oblysy Іle aýdany Ótegen batyr kentindegi HQKO-da Boraldaı aýylynyń turǵyny qaıtys bolǵan.