D. Núketaeva: «100 naqty qadam» - ult pen ulystardy uıystyratyn, utqyr ıdeıaǵa qurylǵan ortaq is
Oǵan atalmysh joǵary oqý ornynyń rektory, pedagogıka ǵylymdarynyń kandıdaty Dınar Núketaeva, sonymen qatar prorektorlar, dekandar jáne oqytýshy-professorlar quramy qatysty.
Óz sózinde Dınar Núketaeva 100 naqty qadamnyń mańyzyna toqtala kelip, ony júzege asyrý maqsatynda ýnıversıtette arnaıy jospar jasalyp, basshylyq quramǵa, prorektorlarǵa jáne fakýltet dekandaryna naqty tapsyrmalar júktelgendigin aıtty.
«100 naqty qadamnan quralǵan Ult jospary birjaqty daıyndalǵan jospar emes. Bul - elimizdiń damý tetikterin anyqtaǵan, bilim-ǵylym, medıtsına, ekonomıka, sot jáne memlekettik qyzmet sekildi kóptegen salalarǵa basa nazar aýdarylǵan aýqymdy ıdeologııalyq kúsh. Bul jospar elimizdegi kez kelgen maman ıesine memleketti damytý úshin nátıjeli jumys atqarýǵa serpin beredi», - dedi D. Núketaeva.
Sonymen qatar, Dınar Júsipáliqyzy bul jospardyń pedagogıka salasyn damytýda mańyzdy rol atqaratyndyǵyn aıryqsha atap ótti.
«Ulttyq mánge ıe jospar pedagogıka salasy úshin de óte mańyzdy. Jastarymyzdyń eń bilimdi, eń saýatty da qabiletti maman bolýy úshin olardy oqytatyn mamandarymyzdyń ózi básekelestikke toıtarys beretindeı kásibı deńgeıi óte joǵary bolýlary kerek. Elbasynyń 100 naqty qadam aıasynda bilim, ǵylym salasyn damytýǵa arnalǵan 7 tapsyrmasy bar. Solardyń ishinde joǵary oqý oryndaryna arnalǵan myna tapsyrmany atap ótýge bolady. Ol: Nazarbaev Ýnıversıtetiniń tájirıbesin, ázirlegen tapsyrmalaryn basqa joǵary oqý oryndaryna keńinen engizý jáne paıdalaný. ıAǵnı mundaǵy basty maqsat - qazaq, orys jáne aǵylshyn tilderin jáne jańa tehnologııalardy tereń meńgergen joǵary bilikti mamandar daıarlaý. Biz pedagogıkalyq ýnıversıtet bolsaq ta, ǵylymmen aınalysýdy durys jolǵa qoıýymyz kerek. Óıtkeni ǵylymy damyǵan eldiń bolashaǵy zor», - dedi D. Núketaeva.