D.Nazarbaeva: shetel tilin úırený - Altsgeımer aýrýynyń aldyn alýdyń bir joly (FOTO)

ASTANA. QazAqparat - QR Premer-Mınıstriniń orynbasary Darıǵa Nazarbaeva shetel tilin úırený Altsgeımer aýrýynyń aldyn alýdyń jaqsy joly ekendigin aıtty. Ol bul oıyn Astana qalasy ákimdigine qarasty kásibı-tehnıkalyq kolledj ujymy men stýdentterimen kezdesý barysynda aıtty.

Vıtse-premer óz sózinde 2018-2019 jyldary mektep túlekteri men 9-10 synypty bitiretin oqýshylardyń aǵylshyn tilin bilip shyǵatyndyǵy josparlanyp otyrǵandyǵyn atap ótti.  Onyń  atap ótýinshe, kolledj basshylyǵy men oqytýshylar quramyna erekshe talap qoıylatyn bolady. Sondyqtan qazirden bastap aǵylshyn tilin úırene bastaýlary qajet.

«Kóptegen tásilder bar: Qashyqtan oqyp, elektrondy synaqtar tapsyrýǵa bolady. Bul tıimdi ári ekonomıkalyq turǵyda arzan. Maǵan oqýlyqtardyń joq ekendigin, ádebıetterdi tabý óte qıyn ekendigin, al aǵylshyn tilinde óte kóp ekendigin aıtty. Eger biz til bilgenimizde bul ádebıetter qol jetimdi bolar edi, zamanaýı bilimdi ıgerý aıamyz keńeıe túser edi. Qalaı alyp qarasaqta onyń oń jaqtary óte kóp. Jalqaýlanbaý kerek. Adamdar qosymsha til úırene bastaǵan kezde este saqtaý jady jaqsarady jáne bul - Altsgeımer aýrýynyń aldyn alýdyń joly da. Bul ǵylymı turǵyda dáleldengen», - dedi ol.

Sonymen qatar ol qazir múldem basqa zaman ekendigin, ǵalamtor, ondaǵy ǵylym men bilim negizinen aǵylshyn tilinde ekendigin aıtty. «Sondyqtan ózimizdi jáne balalarymyzdy bul múmkinshilikterden shektemeıik», - dep túıindedi sózin D.Nazarbaeva.