D.Nazarbaeva: Qazaqstandyqtar Ult josparyn júzege asyrýdan týyndaıtyn múmkinshilikterdi bilýi tıis

ASTANA. QazAqparat - Qazaqstandyqtar Ult josparyn júzege asyrýdan týyndaıtyn múmkinshilikterdi bilýi tıis. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Premer-Mınıstriniń orynbasary Darıǵa Nazarbaeva málim etti.

«Ult josparynyń tabysty júzege asyrylýy Qazaqstanǵa damýdyń jańa deńgeıine kóterilýge, ekonomıkalyq ósim úshin laıyqty jaǵdaı jasaýǵa jáne barsha qazaqstandyqtardyń ómirin jaqsartýǵa múmkindik beredi. Ult jospary keleshekte qazaqstandyqtardyń ómir sapasyn búgingi EYDU elderinde oryn alyp otyrǵan joǵary ómir deńgeıi men standarttaryna sáıkestendirýge baǵyttalǵan», - dedi vıtse-premer.

Sonymen qatar D.Nazarbaeva Ult josparyn júzege asyrý aıasynda elimizdiń árbir azamaty úshin álemniń eń damyǵan elderindegideı jańa múmkinshilikter ashylatyndyǵyn aıtty.

«Sondyqtan da bul múmkinshilikter jaıynda qazaqstandyqtardyń bilgeni jáne ony tıimdi paıdalana alǵany barynsha mańyzdy», - dedi D.Nazarbaeva óz sózinde.