D.Nazarbaeva Berlınde «Bolashaq» stıpendııasy ıegerlerimen kezdesti

ASTANA. QazAqparat - 29 qańtarda Berlınde QR Parlamenti Májilisi Tóraǵasynyń orynbasary - Qazaqstan kandıdatýrasyn BUU Qaýipsizdik Keńesiniń turaqty emes músheligine jyljytý máseleleri jónindegi QR Prezıdentiniń arnaıy ókili Darıǵa Nazarbaeva «Bolashaq» memlekettik baǵdarlama boıynsha bilim alyp jatqan qazaqstandyq stýdenttermen kezdesti.

Bul týraly GFR-daǵy QR elshiliginen habarlady.

Suhbat beıresmı túrde ótip, sonyń barysynda D.Nazarbaeva bolashaq mamandardy Qazaqstandaǵy ózekti jastar saıasatynyń kórnisi, eńbek naryǵy jáne jas mamandar úshin memleketik qoldaý sharalary týraly habardar etti. Kezdesý kezinde Elbasy daıyndaǵan «Máńgilik El» ulttyq ıdeıasynyń turǵysynan bizdiń elimizdiń áleýmettik-ekonomıkalyq jáne rýhanı túrlený úderisindegi bolashaq urpaqtyń róli erekshe oryn aldy.

Óz kezeginde, «Bolashaq» baǵdarlamasy boıynsha bilim alýshylar Germanııanyń joǵary úzdik oqý oryndarynda bilim alýǵa jol ashqan memleketke alǵystaryn aıtyp, alǵan bilimdi Otanǵa qyzmet etýge paıdalanatyndyqtaryn bildirdi.