D.Medvedev: Eger Ýkraına EO-ny tańdasa, Keden odaǵyna kirý joly jabylady
Qazirgi kezdes zańgerler Ýkraınanyń EO-nyń qaýymdasqan odaǵyna kirgen jaǵdaıdaǵy Keden odaǵyna kirýi múmkindigine taldaý jasaýdy aıaqtap, túpkilikti qorytyndyǵa keldi, dep baıandady vıtse-premer Igor Shývalov D.Medvedevke. «EO men Keden odaǵynyń normatıvtik bazalary bir-birine sáıkes kelmeıdi. Eger Ýkraınanyń Eýropalyq odaqpen kelisimi kúshine ense, Keden odaǵy úshin ózekti birqatar mindettemelerdi Ýkraına qoldana almaıdy, sonyń ishinde biryńǵaı keden tarıfin de», dedi ol.
Óz tarapynan D.Medvedev jaqynda Ýkraına premer-mınıstri Nıkolaı Azarovpen kezdeskenin eske saldy. «Bul arada eshqandaı buldyr nárse bolmaýy tıis. Jaǵdaı qarapaıym: Eýroodaqqa qaýymdasqan múshelikke shartqa qol qoıatyn bolsa, Ýkraına úshin Keden odaǵyna kirýge jol jabyq. Bul týraly EO basshylary da ashyqtan-ashyq aıtyp otyr. Buny barlyǵy da, sonyń ishinde Ýkraına azamattary da túsinýi tıis. Bul búginde Ýkraına basshylyǵy jasaǵaly otyrǵan ózekti saıası tańdaý», - dep atap kórsetti RF premer-mınıstri.
Ótken aptada N.Azarov Keden odaǵymen saýda rejımin tezirek úılestirýdiń mańyzy Ýkraına bolashaǵy úshin Eýropalyq odaqpen erkin saýda aımaǵyn qurýdan kem emes», - dep málimdedi.
Taıaýdaǵy ýaqytta Ýkraına úkimeti Keden odaǵy qatysýshy-memleketteri kelisimine eldiń qosylýynda TMD-nyń basqa elderimen ózara saýdadaǵy tehnıkalyq kedergilerdi joıý máselesin qaraýǵa nıetti.
Budan buryn RF prezıdenti Vladımır Pýtın jýrnalısterge ýkraın bıligi Eýroodaqpen erkin saýda aımaǵyn quryp, Keden odaǵy biryńǵaı ekonomıkalyq keńistigine yqpaldastyqty joǵary qoıatyn bolsa, Reseı bul sheshimge qurmetpen qaraıdy. Alaıda bul jaǵdaıda óz naryǵyn qorǵaýdy oılaýǵa májbúr bolady, dep málimdedi.
«Biz amalsyzdan joldy jabamyz», dep málimdedi V.Pýtın jáne Ýkraınanyń óz naryǵyn eýropalyq taýarlarǵa aıqara ashyp, EO qabyldaǵan tehnıkalyq standarttardy qabyldaýy ýkraın kásiporyndarynyń ónimderin ýkraın naryǵynan yǵystyrýǵa ákep soǵady, dep atap ótti.