D.Abaev: Tsıfrly saýattylyq deńgeıi joǵarylamasa, atqarylyp jatqan aýqymdy jumystardyń barlyǵy tıimsiz
«Biz qazirgi zamanǵy kommýnıkatsııa quraldary ómirimizdiń barlyq salalaryn baılanystyryp otyrǵan aqparattyq tehnologııalar ǵasyrynda ómir súrýdemiz, ıaǵnı bilim, eńbekpen qamtý, mádenıet, qarjy, jarııa saıasat, jarnama, saýda baǵyttarynyń barsha úderisteri 21 ǵasyrda Internettiń yqpalymen damyp keledi. Atap aıtqanda, postındýstrıaldy kezeńde tsıfrly teńsizdik áleýmettik jáne ekonomıkalyq teńsizdikti týdyrady. Sondyqtan da adamdar arasyndaǵy tsıfrly alshaqtyqty eńserý maqsaty - ol óziniń aýqymy boıynsha kedeılikti eńserýmen salystyrmaly dep aıtsam ásireleý bolmas. Bul problema jahandyq mánge ıe jáne ózektiliktiń túrli dárejesimen árbir elde bar»,-dedi mınıstr.
Onyń sózine qaraǵanda, qazaqstandyq qoǵamda tsıfrly bólinýdiń eki salasy bar, ıaǵnı bireýi - býyndyq, al ekinshisi - aýmaqtyq. Osy rette jastar jelilerge belsendirek moıyn buryp, qazirgi zamanǵy tehnologııalardy jyldam ıgerdi. Sondyqtan Qazaqstanda ınternet paıdalanýshylardyń basym bóligin 40 jasqa deıingi adamdar qurap otyr.
«Qazaqstanda tsıfrly teńsizdiktiń ekinshi aspektisine toqtalatyn bolsaq, aýyldyq jerlerde sandyq qyzmetterge qoljetimdilik qalamen salystyrǵanda tómenirek. Eger de aýyl turǵyndary elimiz halqynyń jartysynan sál ǵana az ekenin eskersek, onda problemanyń aýqymy kúrdeli»,-dedi D. Abaev.
Sonymen qatar mınıstr elimizde aqparattandyrý baǵytynda memlekettik saıasat júrip jatqandyǵyn, ol óz kezeginde sandyq alshaqtyqty eńserýde eleýli jetistikterge múmkindik bergenin atap ótti. Búginde Qazaqstanda ınternet jelisine keń jolaqty qoljetimdilikke halyqtyń 72 paıyzy qamtamasyz etildi. Qazirgi kezde halyqtyń tsıfrly saýattylyq deńgeıi 74 paıyzdy qurap otyr.
Bul turǵyda vedomstvo basshysy tsıfrly saýattylyq deńgeıi joǵarylamasa, onda atqarylyp jatqan aýqymdy jumystardyń barlyǵy tıimsiz ekenin atap ótti.