Tsýkerberg Maskpen jekpe-jekten bas tartty
Tehnologııalyq mıllıarderler maýsym aıynda jekpe-jek ótkizýge kelisken edi. Aldymen I.Mask Twitter-de M.Tsýkerbergpen «aıqasqa daıyn ekenin» jazdy. Keıin Tsýkerberg bul shaqyrýdy qabyl alyp, kezdesý ótetin oryndy belgileýdi surady.
Alaıda, jeksenbi, 13 tamyzda Tsýkerberg Masktyń óz sózine «baısaldyqpen qaramaıynyn» málimdedi.
«Men naqty datany usyndym. Dana Ýaıt jekpe-jekti qaıyrymdylyq maqsatta ótkizýdi usyndy. Ilon naqty data men resmı shara týraly baısaldyqpen aıta bastaǵan kúni, menimen qalaı baılanysý kerektigin biledi. Olaı bolmaǵan jaǵdaıda, bizge ári qaraı jyljý kerek. Men sporttyń bul túrine baısaldyqpen qaraıtyn adamdarmen jarys ótkizgim keledi», - dep málimdedi Tsýkerberg.
Buǵan deıin Italııa úkimeti qos mıllıarderdiń aıqasyn Rım Kolızeıinde uıymdastyrý úshin Mark Tsýkerbergpen baılanysqa shyqqan edi. Keıin jekpe-jek 26 tamyzda jáne Italııada ótetini habarlandy. «Kameraǵa túsetin búkil kórinis ejelgi Rım stılinde bolady, demek zamanaýı eshteńe kútpeńder. Men Italııanyń premer-mınıstrimen jáne mádenıet mınıstrimen sóılestim. Olar sharany epıkalyq orynda ótkizýge kelisti»,- dep jazǵan edi Ilon Mask paraqshasynda.