Cýbsıdııany tek iri kásipkerler ǵana alady - senatorlar

NUR-SULTAN. QazAqparat - Senatta Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy ótti, dep habarlaıdy QazAqparat.

Qazaqstandaǵy shaǵyn jáne orta bızneske kórsetiletin memlekettik qoldaý sharalarynyń tıimdiligi talqylaýdyń basty taqyryby boldy.

Komıtet tóraǵasy Dáýren Ádilbekov otyrysty asha kelip, shaǵyn jáne orta bıznes jumysynyń damýyna kedergi keltirip otyrǵan birqatar mańyzdy problemalar men kedergilerdi ótti.

«Shaǵyn jáne orta bızneske nesıe berý júıesinde problemalar bar. Paıyzdyq mólsherdiń kóptigi, borysh aýyrtpalyǵy, qaryzdyń merzimin ótkizip alý qaýpiniń kóbeıýi saldarynan kásipkerlerge nesıege degen suranys tómendep barady. Odan basqa, qarjylandyrýdaǵy qymbatshylyq pen kepilmen qamtamasyz etýda joǵary talaptar qoıý problemalary bar. Bıznes ókilderiniń pikirinshe, eger ekinshi deńgeıdegi bankterden nesıe alatyn bolsa, búgingi tańda 14-15%-ǵa beriledi», - dedi Dáýren Ádilbekov.

Senatorlar sýbsıdııalardy memleketten tek iri kásipkerler ǵana alyp, shaǵyn bıznes shette qalady dep sanaıdy. Depýtattardy sondaı-aq sýbsıdııa berý salasyndaǵy «Qoldaý» aqparattyq júıesiniń jetildirilmeýi máselesi de alańdatady, ol sybaılas jemqorlyq táýekelderin alyp tastaýdyń ornyna, kerisinshe, olardyń ulǵaıýyna yqpal etýi múmkin.

Ulttyq ekonomıka mınıstriniń orynbasary Tımýr Jaqsylyqov aıtylǵan problemalardy sheshý týraly óz oılaryn ortaǵa saldy. Ol shaǵyn jáne orta kásipkerlikti damytýdyń 2030 jylǵa deıingi tujyrymdamasynda shaǵyn jáne orta bızneske basa nazar aýdara otyryp, memlekettik qoldaý sharalary kózdeletinin habarlady. Olardyń qatarynda bıznestiń basym salalaryn damytýǵa baǵdarlaý, bıznestiń barlyq sýbektilerin qoldaýdan shaǵyn jáne orta kásipkerlikti damytý basymdyǵyna kezeń-kezeńimen kóshý, sondaı-aq shaǵyn jáne orta bıznesti kredıtteýge mıkroqarjy uıymdaryn tartý úshin jaǵdaılar jasaý bar.

Sonymen qatar, otyrysqa saýda jáne ıntegratsııa, aýyl sharýashylyǵy, ındýstrııa jáne ınfraqurylymdyq damý, qarjy mınıstrlikteriniń, sondaı-aq «Atameken» ulttyq kásipkerler palatasynyń jáne «Damý» kásipkerlikti damytý qorynyń ókilderi qatysty.

Senator Dáýren Ádilbekov otyrysty qorytyndylaı kelip, memlekettik qoldaýdyń qoldanystaǵy sharalary ázirge kútilgen nátıje bermegenin taǵy da atap ótti. Depýtattar osyǵan baılanysty salalyq memlekettik organdarǵa bıznesti qoldaý baǵdarlamalaryna tıisti ózgerister engizý jáne memlekettik qoldaýdyń qarjylyq emes sharalaryn alyp tastaý múmkindigin qarastyrýdy usyndy. Óıtkeni olardyń tıimdiligi kúmán týdyratyny belgili boldy.