Cý tasqyny: bilim berý mekemelerin qalpyna keltirýge 7 mlrd teńge bólindi

<p>ASTANA. KAZINFORM - Úkimet kóktemgi sý tasqynynan zardap shekken bilim berý mekemeleri men uıymdaryn qalpyna keltirý jumystaryn jalǵastyrýda. Osy maqsatta Úkimettiń tótenshe rezervinen qosymsha qarajat bólindi. Tıisti qaýlyǵa Premer-Mınıstr Oljas Bektenov&nbsp;<a href="https://primeminister.kz/news/ukimet-su-taskynynan-zardap-shekken-bilim-beru-mekemelerin-kalpyna-keltiruge-7-mlrd-tengeden-astam-karazhat-boldi-28822" target="_blank" data-entity-type="MessageEntityUrl" rel="noopener">qol qoıdy.</a></p>

Qalpyna keltirý jumysy elimizdiń úsh óńirin – Qostanaı, Aqmola jáne Aqtóbe oblystaryn qamtıdy. Bólingen qarajattyń jalpy somasy – 7,5 mlrd teńge. Bul qarajat búlingen nysandardy qalpyna keltirýge, sondaı-aq qıraǵan nysandardyń ornyna jańa bilim berý mekemelerin salýǵa jumsalady.

Qostanaı oblysynda Jangeldın aýdanyndaǵy Aısa Nurmanov atyndaǵy mektep ǵımaratyn jóndeý josparlanǵan. Aqmola oblysynda Atbasar qalasynda №1 mektep, Atbasar aýdany Sergeevka aýylynda «Esil» saýyqtyrý kesheni, sondaı-aq Derjavınsk qalasynda Abaı atyndaǵy mektep salynady. Aqtóbe oblysynda Kótibar batyr atyndaǵy mektep jáne Muǵaljar aýdanyndaǵy «Balaýsa» balabaqshasy, Oıyl aýdanyndaǵy «Balbóbek» mektep-baqshasy men balabaqshasy, Ekpetal mektebi qamtylady.

Bólingen qarajat jergilikti atqarýshy organdarǵa búlingen ǵımarattardy aldaǵy oqý jyly bastalǵanǵa deıin ýaqytyly qalpyna keltirýge múmkindik beredi. Bul – bilim berý protsesiniń úzdiksiz júrgizilýin qamtamasyz etedi. 

Bıylǵy 17 shildede Úkimette sý tasqynynan keıin turǵyn úıler men ınfraqurylymdy qalpyna keltirý máseleleri jóninde ótken keńes barysynda Premer-Mınıstr Oljas Bektenov qalpyna keltirý jumystarynyń qarqynyn jedeldetýdi jáne ortalyqty týyndap jatqan máseleler týraly únemi habardar etip otyrýdy tapsyrdy.